ବିରାଟଙ୍କୁ ନିଜ ସ୍ଥାନ ଛାଡ଼ିଲେ ବଦୋନୀ, କହିଲେ..

ନନ୍ଦିଘୋଷ ବ୍ୟୁରୋ: ଦୀର୍ଘ ୧୩ ବର୍ଷ ପରେ ରଣଜୀ ଟ୍ରଫିକୁ ଓହ୍ଲାଇଛନ୍ତି ବିରାଟ । ରେଲଓ୍ବେ ବିପକ୍ଷରେ ଆଜି ରଣଜୀ ଖେଳୁଛନ୍ତି କୋହଲି । ଟସ ଜିତି ପ୍ରଥମେ ବୋଲିଂ କରୁଛି ଦିଲ୍ଲୀ । ଦର୍ଶକେ ଆଶା ରଖିଥିଲେ କି, କୋହଲିଙ୍କ ବ୍ୟାଟିଂ ଦେଖିବେ । କିନ୍ତୁ ଆଜି ଏକପ୍ରକାର ଏହା ଅସମ୍ଭବ । କାରଣ ପ୍ରଥମେ ରେଲଓ୍ବେ ବ୍ୟାଟିଂ କରୁଛନ୍ତି । ସେପଟେ ବିରାଟ ତେନ୍ଦୁଲକରଙ୍କ ପରେ ଫାଷ୍ଟଡାଉନରେ ବ୍ୟାଟିଂ ଜାରି ରଖିଛନ୍ତି । ବଦେନୀ ସବୁବେଳେ ୪ ନମ୍ବରରେ ବ୍ୟାଟିଂ କରିବାକୁ ପସନ୍ଦ କରିଥାନ୍ତି । କିନ୍ତୁ କୋହଲିଙ୍କୁ ସେ ଏହି ସ୍ଥାନ ଛାଡ଼ିଛନ୍ତି । ଏହାସହ ସେ କହିଛନ୍ତି କି, ଆମେ ଦଳରେ ବିରାଟଙ୍କୁ ପାଇଥିବାରୁ ବେଶ ଖୁସି । ସେପଟେ ଫିଲ୍ଡକୁ ନେଇ କହିଛନ୍ତି କି, ସେ ଯେଉଁଠାରେ ଚାହିଁବେ ସେଠାରେ ଜଗିବେ । ସେପଟେ ବଦୋନି କହିଛନ୍ତି କି, ବିରାଟ ଭାଇ ଦଳରେ ଯୋଗଦେବା ପରେ ଆମ ଖେଳାଳିଙ୍କ ମନୋବଳ ଆହୁରି ବଢ଼ିଯାଇଛି । ପୂର୍ବରୁ ସେ ଦିଲ୍ଲୀର ଅଧିନାୟକ ରହିଥିଲେ । ଆଉ ଏତେ ବଡ଼ ଖେଳାଳିଙ୍କ ସହ ଡ୍ରେସିଂରୁମ ସେୟାର କରିବା ବଡ଼ ଗୌରବର ବିଷୟ ।