ଜେଲ ଭିତରେ ଜବରଦସ୍ତ ଡ୍ୟାନ୍ସ, ଘୁରି ବୁଲୁଛି ଭିଡ଼ିଓ
ବାଲେଶ୍ୱର: ଜେଲ ଭିତରେ ନାଚଗୀତ । କଏଦୀଙ୍କ ଆଗରେ ରଙ୍ଗାରଙ୍ଗ କାର୍ଯ୍ୟକ୍ରମ । ଜଳେଶ୍ୱର ସବ ଜେଲର ଦେଖିବାକୁ ମିଲିଛି କିଛି ଏମିତି ଦୃଶ୍ୟ । ମୋବାଇଲରୁ ମୋବାଇଲକୁ ଘୁରି ବୁଲୁଛି ଜେଲ ଭିତରେ ରଙ୍ଗିଲା ସଂଗୀତ ସାଙ୍ଗକୁ ରଙ୍ଗିଲା ନାଚ । ଛୋଟ ଛୋଟ ଜିନ୍ସ ପେଣ୍ଡ ଏବଂ ଟି ସାର୍ଟ ପିନ୍ଧି ନାଚୁଛନ୍ତି ତାହା ପୁଣି ଚାଲିଛି ଜେଲର ଅନ୍ତବାସୀଙ୍କ ସମ୍ମୁଖରେ । ମସଗୁଲ ହୋଇଗୀତର ତାଳେ ତାଳେ ନାଚୁଛନ୍ତି ଜେଲର ଅନ୍ତଵାସୀ ଯାହାକି ଜଳେଶ୍ୱର ଅଂଚଳ ସମେତ ସାରା ରାଜ୍ୟରେ ଚର୍ଚ୍ଚାର ବିଷୟ ସାଜିଛି ।
ସବୁଠାରୁ ବଡ଼ପ୍ରଶ୍ନ ଉଠୁଛି ଯେଉଁଠି ଜେଲରେ ରହୁଥିବା ଅନ୍ତଵାସୀମାନଙ୍କୁ ସୁଧାର କରିବା ପାଇଁ ସମସ୍ତ ନୀତି ନିୟମ ରହିଥିଲା ବେଳେ ଵେଧଡ଼କ ଭାବେ ଜେଲ ଭିତରେ ହେଉଛି ରଙ୍ଗିଲା ନାଚଗୀତର ପ୍ରଦର୍ଶନ । ସାରା ଦେଶ ଓମିକ୍ରନ ପାଇଁ ଭୟ ଆତଙ୍କିତ ଥିଲା ବେଳେ ଏଠି କିନ୍ତୁ ଖୁଲମ ଖୁଲା ହେଉଛି ଉଲଘଂନ । ତେବେ କାହା ଇଙ୍ଗିତରେ ଏବଂ କାହା ନିର୍ଦେଶରେ କୋଭିଡ ନିୟମକୁ ଉଲଘଂନ କରି ଜେଲ ଭିତରେ ରଂଗୀଲା ନୃତ୍ୟର କାର୍ଯ୍ୟ କ୍ରମ ଅନୁଷ୍ଠିତ ହେଲା ତାହା ସାଧାରଣରେ ଚର୍ଚାର ବିଷୟ ସାଜିଛି ।
