ମାର୍ଚ୍ଚ ୨୦ ତାରିଖରୁ ଆରମ୍ଭ ହେବ ଉତ୍ତର ପୁରୁଷ ନାଟକ ଉତ୍ସବ

ନନ୍ଦିଘୋଷ ବ୍ୟୁରୋ: ଆସନ୍ତା ମାର୍ଚ୍ଚ ୨୦ ତାରିଖରୁ ଆରମ୍ଭ ହେବ ଉତ୍ତର ପୁରୁଷ ନାଟକ ଉତ୍ସବ।୩ ଦିନ ଧରି ରବୀନ୍ଦ୍ର ମଣ୍ଡପ ରେ ମଞ୍ଚସ୍ଥ ହେବ ନାଟକ।  ପ୍ରଥମ ଦିନ ଅର୍ଥାତ୍ ମାର୍ଚ୍ଚ ୨୦ ତାରିଖ ଦିନ ବିଶ୍ୱଜିତ୍ ଦାସ ଙ୍କ ରଚିତ ନାଟକ ମୃଗୟା ମଞ୍ଚସ୍ଥ ହେବ। ସେହିଭଳି ମାର୍ଚ୍ଚ ୨୧ ତାରିଖ ରେ ଅଧ୍ୟାପକ ନାରାୟଣ ସାହୁ ଙ୍କ ରଚିତ ନାଟକ ଯାହା କହି ହୁଏନା ପରିବେଷଣ ହେବା ସହ ୨୨ ତାରିଖରେ ପରିବେଷିତ ହେବ ନାଟକ ସରଳାର ଚିଠି। ଏଥିସହ ଚଳିତବର୍ଷ ପ୍ରଥମ ଥର ପାଇଁ ଉତରପୁରୁଷ ପକ୍ଷରୁ ୪ ଟି ପୁରସ୍କାର ଓ ୩ ଜଣ ନାଟ୍ୟ ବ୍ୟକ୍ତିତ୍ଵ ଙ୍କୁ ସମ୍ବୋର୍ଦ୍ଧିତ କରାଯିବ।ଦର୍ଶକ ସଦସ୍ୟ ସମ୍ମାନ ରେ ସମ୍ମାନିତ ହେବେ ଶଶିପ୍ରଭା ଦାସ ।ସେହିଭଳି ଗୌରଶ୍ୟାମ  ମହାପାତ୍ର ସମ୍ମାନ ରେ ସମ୍ମାନୀତ ହେବେ ପ୍ରଶାନ୍ତ କୁମାର ସ୍ବାଇଁ , ଉତ୍ତର ପୁରୁଷ ସମ୍ମାନ ରେ ସମ୍ମାନୀତ ହେବେ ରମେଶ ମହାନ୍ତି ଓ ଅସୀମ ବସୁ ସମ୍ମାନ ରେ ସମ୍ମାନୀତ ହେବେ ଧୀରେନ୍ଦ୍ର ନାଥ ମଲ୍ଲିକ । ନାଟକ ପ୍ରତି ଲୋକଙ୍କର ରୁଚି ବଢାଇବା ପାଇଁ ଉତ୍ତର ପୁରୁଷ ପକ୍ଷରୁ ଦର୍ଶକ ସମ୍ମାନ ପ୍ରଦାନ କରାଯାଉଛି ବୋଲି ଏକ ସାମ୍ବାଦିକ ସମ୍ମିଳନୀରେ ଘୋଷଣା କରାଯାଇଛି।