ଦୁଇଟି ଫୋନ୍ ପାଖରେ ଥିଲେ ପଠାଇ ପାରିବେ ବଡ଼ ଫାଇଲ୍…

ନୂଆଦିଲ୍ଲୀ: ଆଜିକାଲି ଉନ୍ନତ ଟେକ୍ନୋଲଜି ଦ୍ୱାରା ସବୁକିଛି ସମ୍ଭବ ହୋଇପାରୁଛି । ତେବେ ସ୍ମାର୍ଟଫୋନ୍ ଗୁଡ଼ିକରେ ଏମିତି କିଛି ଫିଚର୍ସ ରହୁଛି ଯାହା ଅନେକ ଲୋକଙ୍କୁ ଆଶ୍ଚର୍ଯ୍ୟ କରୁଛି । ତେବେ ଗୋଟିଏ ସ୍ମାର୍ଟଫୋନରୁ ଅନ୍ୟ ଏକ ସ୍ମାର୍ଟଫୋନକୁ ବଡ଼ ଫାଇଲ୍ ପଠାଇଲେ ସାଧାରଣତଃ ଲୋକେ ଏଥିପାଇଁ ସେୟାର ଇଟ୍ ଆପ କିମ୍ବା ଜେଣ୍ଡର ଆପ୍ ବ୍ୟବହାର କରିବା କରନ୍ତି । କିନ୍ତୁ ଅଧିକାଂଶ ୟୁଜର ଆଣ୍ଡ୍ରଏଡ୍ ସ୍ମାର୍ଟଫୋନରେ ଏକ ଇନ୍-ବିଲ୍ଟ ଫିଚର ବିଷୟରେ ଜାଣିନଥାନ୍ତି ଯେଉଁଥିରେ ଫାଇଲ ଟ୍ରାନ୍ସଫର ପାଇଁ ଅନ୍ୟ ଆପର ଆବଶ୍ୟକତା ନାହିଁ ।ଏହି ଫିଚର ମାଧ୍ୟମରେ, ଗୋଟିଏ ଫୋନରୁ ଅନ୍ୟ ଫୋନକୁ ବଡ଼ ଫାଇଲ୍ ପଠାଇ ହେବ । ଆଜିକାଲି ସ୍ମାର୍ଟଫୋନରେ NFC (ନିୟର ଫିଲ୍ଡ କମ୍ୟୁନିକେସନ) ଟେକ୍ନୋଲୋଜି ଦିଆଯାଉଛି । NFC ମାଧ୍ୟମରେ ଫୋନରେ (Android Beam) ଆଣ୍ଡ୍ରୋଏଡ୍ ବିମ୍ ନାମକ ଫିଚର କାମ କରେ । ଏହି ଫିଚର ମାଧ୍ୟମରେ, ୟୁଜର ପେମେଣ୍ଟ ଠାରୁ ଆରମ୍ଭ କରି ଡାଟା ଟ୍ରାନ୍ସଫର୍ ପର୍ଯ୍ୟନ୍ତ ସୁରକ୍ଷିତ ଉପାୟରେ ଟ୍ରାନ୍ସଫର କରିପାରିବେ । ସୂଚନାଯୋଗ୍ୟ ଯେ, ସବୁ ସ୍ମାର୍ଟଫୋନରେ ଏହି ଫିଚର ନଥାଏ । ତେବେ ଫୋନରେ ଏହି ଫିଚର ଅଛି କି ନାହିଁ ତାହା ଜାଣିବା ବହୁତ ସହଜ । ଏଥିପାଇଁ ପ୍ରଥମେ ଫୋନର ସେଟିଙ୍ଗକୁ ଯାଇ ସର୍ଚ୍ଚ ଅପସନ NFC ଖୋଜିବା ପରେ ବିମ୍ ମଧ୍ୟ ମିଳିଯିବ । ଏହା ବ୍ୟତୀତ ଡିଭାଇସ୍ କନେକ୍ସନ୍ ଅପ୍ସନକୁ ଯାଇ ଏଠାରେ NFC ଖୋଜିଲେ ଆଣ୍ଡ୍ରୋଏଡ୍ ବିମ୍ ଫିଚର ଫୋନରେ ମିଳିବ ।

ଆଣ୍ଡ୍ରୋଏଡ୍ ବିମ୍ ମାଧ୍ୟମରେ ୟୁଜର ୱେବ୍ ପେଜରୁ ୟୁଟ୍ୟୁବ୍ ଭିଡିଓ, କଣ୍ଟାକ୍ଟ ଏବଂ ମଲ୍ଟିମିଡିଆ ଫାଇଲ୍ ପଠାଇ ହେବ । ଯେଉଁ ଫୋନରେ ଫାଇଲ ପଠାଇବା ସୁବିଧା ୟୁଜର ଚାହିଁବେ ସେହି ଫୋନରେ ଆଣ୍ଡ୍ରଏଡ୍ ବିମ୍ ସକ୍ଷମ କରନ୍ତୁ । ତା’ପରେ ଉଭୟ ପାଖାପାଖି ରଖି ଟ୍ୟାପ୍ ଟୁ ବିମ୍ ଅପ୍ସନ୍ ଉପରେ ସିଲେକ୍ଟ କଲେ ଗୋଟେ ଫୋନରୁ ଆଉ ଏକ ଫୋନକୁ ଫାଇଲ ଟ୍ରାନ୍ସଫର ହୋଇପାରିବ ।