ୱାଶିଂଟନ: ଆମେରିକାରେ କରୋନା ଟିକା ପାଇଁ ଅପେକ୍ଷା ଶେଷ ହୋଇଛି। ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଯାଉ ଯାଉ ନୂଆ ବର୍ଷରେ ଆମେରିକାବାସୀଙ୍କୁ କରୋନା ଟିକା ଉପହାର ଦେଇଯାଇଛନ୍ତି। ସୋମବାର ଆମେରିକାରେ କରୋନା ଟିକାକରଣର ପ୍ରକ୍ରିୟା ଆରମ୍ଭ ହୋଇଛି। ଫାଇଜର ପ୍ରସ୍ତୁତ କରିଥିବା ଟିକାକୁ ଆମେରିକା ସରକାର ଅନୁମୋଦନ ଦେଇଛି। ଟିକାର ପ୍ରଥମ ଡୋଜ୍ ନ୍ୟୁୟର୍କର ଜଣେ ନର୍ସ ସାନ୍ଦ୍ରା ଲିଣ୍ଡସେଙ୍କୁ ଦିଆଯାଇଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଟ୍ୱିଟ୍ କରି ନିଜର ଖୁସି ବ୍ୟକ୍ତ କରିଛନ୍ତି।
ସାଣ୍ଡ୍ରାଙ୍କୁ ଟିକା ଦିଆଯିବା ବେଳର ଦୃଶ୍ୟକୁ ସମଗ୍ର ଦେଶରେ ସିଧାପ୍ରସାରଣ କରାଯାଇଥିଲା। ଏହି ସମୟରେ ନ୍ୟୁୟର୍କର ଗଭର୍ଣ୍ଣର ଆଣ୍ଡ୍ର୍ୟୁ କୁମୋ ମଧ୍ୟ ଉପସ୍ଥିତ ଥିଲେ। ଟିକା ନେବା ପରେ ସାଣ୍ଡ୍ରା ବେଶ ଖୁସି ଥିବା କହିଛନ୍ତି। ଏଥିସହ ଟିକା ନେବା ବେଳେ ସେ ଫ୍ଲୁର ଡୋଜ୍ ନେବା ଭଳି ଅନୁଭବ କରିଥିଲେ ବୋଲି ମଧ୍ୟ କହିଛନ୍ତି। ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ଖୁସି ବ୍ୟକ୍ତ କରିଛନ୍ତି।
First Vaccine Administered. Congratulations USA! Congratulations WORLD!
— Donald J. Trump (@realDonaldTrump) December 14, 2020
ଫାଇଜର ଟିକାକୁ ବ୍ୟବହାର କରିବା ପାଇଁ ପ୍ରଥମେ ଟ୍ରମ୍ପ ପ୍ରଶାସନ ଅନୁମତି ଦେଇଥିଲେ। ତେବେ ବୁଧବାର କରୋନାରେ ୩ ହଜାର୨୨୬ ଜଣଙ୍କର ମୃତ୍ୟୁ ହେବା ପରେ ଏହା ଉପରେ ରୋକ ଲଗାଇବାକୁ ଟିକାକରଣକୁ ଜରୁରୀକାଳିନ ଅନୁମତି ଦେଇଛନ୍ତି ଆମେରିକା ସରକାର। ଯାହାପରେ ପାଇଜର ପ୍ରସ୍ତୁତ କରିଥିବା ଟିକାର ପ୍ରଥମ ଡୋଜ୍ ଦିଆଯାଇଛି। ତେବେ ଏଥିସହ ଆମେରିକା ଇତିହାସରେ ସବୁଠାରୁ ବଡ଼ ଟୀକାକରଣ ଅଭିଯାନ ଆରମ୍ଭ ହୋଇଛି।
