କିଏ ଡିଜାଇନ କରନ୍ତି ଉର୍ଫିଙ୍କ ଅଜବ ଆଉଟଫିଟ୍?

1 min read

ମୁମ୍ବାଇ: ସୋସିଆଲ୍ ମିଡିଆ ସେନସେସନ୍ ଉର୍ଫି ଯାଦବ। ନିଜର ଅଜବ ଆଉଟଫିଟକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି ଉର୍ଫି। ହେଲେ ଆପଣ ଜାଣିଛନ୍ତି କି, କିଏ ଉର୍ଫିଙ୍କ ଆଉଟଫିଟ୍ ଡିଜାଇନ୍ କରନ୍ତି ? କାହା ଦ୍ବାରା ଡିଜାଇନ୍ ହୋଇଥିବା ପୋଷାକ ପିନ୍ଧି ସୋସିଆଲ ମିଡିଆରେ ହଇଚଇ ସୃଷ୍ଟି କରନ୍ତି ସେ?

ଉର୍ଫିଙ୍କ ପାଇଁ ଏମିତି ଅଜବ ଆଉଟଫିଟ୍ ଡିଜାଇନ କରୁଥିବା ଡିଜାଇନର୍ ହେଉଛନ୍ତି ଶ୍ବେତା ଶ୍ରୀବାସ୍ତବ । ଶ୍ବେତା ଉର୍ଫିଙ୍କ ପ୍ରାୟ ସବୁ ପୋଷାକ ଡିଜାଇନ୍ କରିଥାନ୍ତି । ନିକଟରେ ହୋଇଥିବା ଏକ ଇଣ୍ଟରଭ୍ୟୁରେ କହିଛନ୍ତି ଦୀର୍ଘ ଦିନ ହେବ ସେ ଜଣେ ମନଲାଖି ଡିଜାଇନର୍ ସନ୍ଧାନରେ ଥିଲେ । ତା ପରେ ସେ ଶ୍ବେତାଙ୍କ ସହ କଥାବାର୍ତ୍ତା କରିଥିଲେ । ଏହା ପରଠୁ ଉର୍ଫିଙ୍କ ପୋଷାକ ସେ ହିଁ ଡିଜାଇନ୍ କରୁଛନ୍ତି ।

ଏ ନେଇ ଶ୍ବେତା କହିଛନ୍ତି ଯେ, ଉର୍ଫିଙ୍କୁ କିପରି ଡ୍ରେସ୍ ଦରକାର ସେ ନିଜେ ମୋତେ କୁହନ୍ତି । ସେ କିଛି ଲୁଚାନ୍ତିନି । ତାଙ୍କ ଆବଶ୍ୟକତା ଦୃଷ୍ଟିରୁ ତାଙ୍କ ମନକୁ ପାଉଥିବା ପୋଷାକ ତିଆରି କରିଥାନ୍ତି ଶ୍ବେତା । ଘଣ୍ଟା ଘଣ୍ଟା ପରିଶ୍ରମ କରି ସେ ଏହିସବୁ ଡ୍ରେସ୍ ତିଆରି କରିଥାନ୍ତି । ଏମିତିକି ଡ୍ରେସ୍ ତିଆରି କରୁ କରୁ ତାଙ୍କର ରାତି ପାହିଯାଏ ।

ଆପଣ ଜାଣିଥିବେ ଉର୍ଫିଙ୍କ ପୋଷାକକୁ ନେଇ ତାଙ୍କୁ ବହୁତ ଟ୍ରଲ୍ କରାଯାଏ । ହେଲେ ସେ ଏହାକୁ ତିଳେମାତ୍ର ଖାତିର କରନ୍ତି ନାହିଁ । ଶ୍ବେତା ମଧ୍ୟ ଏଥିପାଇଁ ବହୁତଥର ସମାଲୋଚନାର ଶିକାର ହୋଇଛନ୍ତି । ଏହାକୁ ନେଇ ସେ କହିଛନ୍ତି ଯେ, ପୋଷାକ ଡିଜାଇନ୍ କରିବା ମୋ କାମ । ମୋ ଡିଜାଇନ୍ କାହାକୁ ପସନ୍ଦ ଆସିପାରେ ନ ଆସି ବି ପାରେ । କିନ୍ତୁ ଏହା ମୋତେ ପ୍ରଭାବିତ କରେନି ।

ବିଭିନ୍ନ ପ୍ରକାର ସମାଲୋଚନାର ଶିକାର ହେଲା ପରେ ବି ଉର୍ଫି ଅଜବ ଗଜବ ଡ୍ରେସ୍ ପିନ୍ଧିବା ବନ୍ଦ କରିନାହାନ୍ତି ।

ଏଠାରେ ଆପଣଙ୍କୁ କହିରଖିବାକୁ ଚାହୁଁଛୁ ଯେ, ଉର୍ଫି ପ୍ରଥମେ କସୌଟି ଜିନ୍ଦେଗୀ କି ସିରିଏଲରେ ନଜର ଆସିଥିଲେ । ଏହା ପରେ ସହ ବିଗବସ ଓଟିଟିରେ ଏବଂ ଏବେ ତାଙ୍କର ଅଜବ ପୋଷାକକୁ ନେଇ ଚର୍ଚ୍ଚାକୁ ଆସିଛନ୍ତି ।

[DISPLAY_ULTIMATE_SOCIAL_ICONS]