ବିନା କୋଚିଂରେ ଆଇଏଏସ୍ ଅଫିସର ହେଲେ ୨୨ ବର୍ଷୀୟ ଯୁବକ; ଜାଣନ୍ତୁ କେମିତି ଥିଲା ପ୍ରସ୍ତୁତି

ପାଟନା: ବିହାରର ମଧୁବନୀ ଜିଲ୍ଲାର ଏକ କୃଷକ ପରିବାରରେ ଜନ୍ମଗ୍ରହଣ କରିଥିବା ମୁକୁନ୍ଦ କୁମାର ଝା ୟୁପିଏସସି ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ତାହା ପୁଣି ବିନା କୋଚିଂରେ । ଏପରିକି ସେ ପ୍ରଥମ ଥରରେ ହିଁ ଏହି ସଫଳତା ହାସଲ କରିଛନ୍ତି ।

ଆସନ୍ତୁ ଜାଣିବା କିଭଳି ଥିଲା ଆଇଏଏସ୍ ପାଇଁ ପ୍ରସ୍ତୁତି ହେବାର ଯାତ୍ରା…

ଏକ ସାକ୍ଷାତକାରରେ ମୁକୁନ୍ଦ କହିଛନ୍ତି ଯେ ଯେତେବେଳେ ସେ ଚତୁର୍ଥ ଏବଂ ପଞ୍ଚମ ଶ୍ରେଣୀରେ ପଢୁଥିଲେ, ସେତେବେଳେ ସେ କେଉଁଠୁ ଆଇଏଏସ୍ ଓ ଆଇପିଏସ ଶବ୍ଦ ଶୁଣିଥିଲେ । ତା’ପରେ ସେ ଏନେଇ ତାଙ୍କ ପିତାଙ୍କୁ ପଚାରିଥିଲେ କି ଏହାର ଅର୍ଥ କ’ଣ ବୋଲି । ପିତାଙ୍କ ଠାରୁ ଏହାର ଅର୍ଥ ବୁଝିବା ପରେ ସେ ବଡ ହେଲେ ଏହାକୁ ନିଜ କ୍ୟାରିୟର କରିବେ ବୋଲି ଭାବିଥିଲେ ।

ସେ ତାଙ୍କ ପରିବାର ବିଷୟରେ କୁହନ୍ତି ଯେ ମୋ ବାପା ଜଣେ କୃଷକ ଏବଂ ମା’ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିଲେ । ହେଲେ ପରବର୍ତ୍ତି ସମୟରେ ସେ ଚାକିରି ଛାଡି ମୋତେ ଓ ମୋ ଭଉଣୀକୁ ପାଠ ପଢାଇବା ଆରମ୍ଭ କରିଥିଲେ । ଘରର ଆର୍ଥୀକ ସ୍ଥିତି ସ୍ବଚ୍ଛଳ ନଥିବାରୁ କୋଚିଂରେ ଯୋଗ ଦେଇନଥିଲେ। ମୁଁ ଜାଣିଥିଲି ଯଦି ମୁଁ ବାପାଙ୍କୁ କୋଚିଂ ପାଇଁ ଅଢେଇ-ତିନି ଲକ୍ଷ ଟଙ୍କା ମାଗିବି, ତେବେ ତାଙ୍କୁ କଷ୍ଟ ହେଲେବି ସେ ମନା କରିବେନି ।

ସେ ବିହାରର ଆବାସିକ ସରସ୍ୱତୀ ବିଦ୍ୟାମନ୍ଦିରରୁ ୫ମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରିଥିଲେ। ଏହା ପରେ ସେ ଗୋଲପରାର ସୈନିକ୍ ସ୍କୁଲରେ ଦ୍ୱାଦଶ ପର୍ଯ୍ୟନ୍ତ ପଢିଥିଲା ବେଳେ ଗ୍ରାଜୁଏସନ୍ ଡିୟୁରୁ ସମାପ୍ତ କରିଥିଲେ । ତେବେ ସ୍ନାତକୋତ୍ତର ପରେ ମୋର ବୟସ ହୋଇନଥିବାରୁ ୨୦୧୮ ମସିହାଟା ପୁରା ପ୍ରସ୍ତୁତି କରିଥିଲି । ତାପରେ ବିନା କୋଚିଂରେ ୨୦୧୯ ମସିହାରେ ପ୍ରଥମ ଥର ପାଇଁ ପ୍ରିଲିମ୍ ପରୀକ୍ଷା ଦେଇଥିଲେ।

ମୁକୁନ୍ଦ ତାଙ୍କ ସାକ୍ଷାତକାରରେ କହିଛନ୍ତି ଯେ ସେ ୟୁପିଏସସି ପ୍ରସ୍ତୁତି ପାଇଁ କଡାକଡି ଟାଇମ୍ ଟେବୁଲ୍ ଅନୁସରଣ କରୁଥିଲି। ତା’ପରେ ସବୁ କିଛି ଛାଡି ଦେଇ ସଠିକ୍ ରଣନୀତି ଏବଂ ବୁକ୍ ଲିଷ୍ଟ ତିଆାରି କରିଥିଲି । ଦୈନିକ 12 ରୁ 14 ଘଣ୍ଟା ପଢାପଢି କରିବା ପରେ ୟୁପିଏସସି ପରୀକ୍ଷା ଦେଇଥିଲି ।