ଚେନ୍ନାଇରୁ ଫେରିଲା ଦମନ୍ର ପୂରା ଟିମ୍; ବାବୁସାନ୍ଙ୍କ ପତ୍ତା ମିଳୁନି
ଭୁବନେଶ୍ୱର: ଚେନ୍ନାଇରୁ ଫେରିଲେ ଫିଲ୍ମ ‘ଦମନ’ର ପୂରା ଟିମ୍ । ଗତକାଲି ରାତିରରେ ଫିଲ୍ମ ପ୍ରମୋସନ କରି ଓଡ଼ିଶା ଫେରିଛି ଟିମ୍ । ତେବେ ଟିମ ସହ ଫେରିନାହାନ୍ତି ବାବୁସାନ୍ । ତାଙ୍କ ପାଇଁ ଟିକେଟ ହୋଇଥିଲେ ମଧ୍ୟ ସେ ଓଡ଼ିଶା ଆସିନାହାନ୍ତି । ଗତ ୨୪ତାରିଖରୁ ହୋଟେଲ ଛାଡ଼ି ଚାଲିଯାଇଛନ୍ତି ବାବୁ । ଏବେ ସେ କେଉଁଠି ଅଛନ୍ତି ଜଣାନାହିଁ ବୋଲି କହିଛନ୍ତି ସହଯୋଗୀ ।
ଅନ୍ୟପକ୍ଷରେ ପ୍ରକୃତି ମିଶ୍ରଙ୍କ ସହ ଫ୍ୟାମିଲି ଫଟୋ ସେୟାର କରିଛନ୍ତି ମାଆ କ୍ରିଷ୍ଣା । ଚେନ୍ନାଇରୁ ସୋସିଆଲ୍ ମିଡିଆରେ ପୋଷ୍ଟ କରିଛନ୍ତି ଫ୍ୟାମିଲି ଫଟୋ । ଜାରି ହୋଇଥିବା ଫ୍ୟାମିଲି ଫଟୋରେ ଅଛନ୍ତି ପ୍ରକୃତି, ବାପା ମନ୍ମଥ ଓ ମାଆ କ୍ରିଷ୍ଣା । କ୍ରିଷ୍ଣା କହିଛନ୍ତି ପ୍ରତିଟି ପ୍ରତିବନ୍ଧକ ପରେ ସମସ୍ତେ ହୋଇଛନ୍ତି ସାମାନ୍ୟ ରିଲାସ୍କ । କୁହାଯାଉଛି ଯେ, ପ୍ରକୃତି ପରିବାର ସହ ଖୁବଶୀଘ୍ର ଘରକୁ ଫେରିବେ । କାରଣ ପୋଲିସ ପକ୍ଷରୁ ଉଭୟ ପ୍ରକୃତି ଏବଂ ବାବୁସାନଙ୍କୁ ହାଜର ହେବା ପାଇଁ ନୋଟିସ୍ କରିଥିଲା । ଗତ ଶନିବାର ସ୍ୱାମୀ ବାବୁସାନଙ୍କ ସହ ଏକାଠି ଦେଖି ପ୍ରକୃତିଙ୍କୁ ଆକ୍ରମଣ କରିଥିଲେ ପତ୍ନୀ ତୃପ୍ତି । ଅପ୍ରୀତିକର ପରିସ୍ଥିତି ଉପୁଜିବା ପରେ ପ୍ରକୃତି ଚାଲି ଯାଇଥିଲେ ଚେନ୍ନାଇ । ସେହିପରି ଏକ କାର୍ଯ୍ୟକ୍ରମରେ ଯୋଗ ଦେବାକୁ ବାବୁସାନ ବି ଚାଲିଯାଇଥିଲେ ଚେନ୍ନାଇ ।
