ଜ୍ଞାନବାପି ମାମଲାରେ ରାୟ ସଂରକ୍ଷିତ ରଖିଲେ ବାରାଣସୀ କୋର୍ଟ

1 min read

ନୂଆଦିଲ୍ଲୀ: ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଜ୍ଞାନବାପି ମାମଲାର ଆଜି ବାରାଣସୀ କୋର୍ଟର ବରିଷ୍ଠ ବିଚାରପତି ମାମଲାର ଶୁଣାଣି କରିଛନ୍ତି । ଉଭୟ ପକ୍ଷର ଯୁକ୍ତି ଶୁଣିବା ପରେ ମାମଲାର ରାୟ ସଂରକ୍ଷିତ ରଖିଛନ୍ତି ମାନ୍ୟବର କୋର୍ଟ । ଆସନ୍ତାକାଲି ମଇ ୨୪ ଅପରାହ୍ନ ୨ଟା ପର୍ଯ୍ୟନ୍ତ କୋର୍ଟ ତାଙ୍କ ରାୟ ସଂରକ୍ଷିତ ରଖିଛନ୍ତି । ଆସନ୍ତାକାଲି କେଉଁଠାରୁ ଶୁଣାଣି ଆରମ୍ଭ ହେବ ସେ ସଂକ୍ରାନ୍ତରେ ରାୟ ଦେବେ ।

ସୋମବାର ଏହି ମାମଲାରେ ୩ଟି ଆବେଦନର ଶୁଣାଣି ହୋଇଥିଲା। ସେଥିମଧ୍ୟରୁ ୨ଟି ଆବେଦନ ହିନ୍ଦୁ ପକ୍ଷର ହୋଇଥିବା ବେଳେ ଗୋଟିଏ ଆବେଦନ ମସ୍‌ଜିଦ କମିଟିର ଥିଲା। ଆଜି ପାଖାପାଖି ୪୫ ମିନିଟ୍ ପର୍ଯ୍ୟନ୍ତ ଶୁଣାଣି ହୋଇଥିବା ବେଳେ ମାମଲା ବିଷୟରେ ସମ୍ପୂର୍ଣ୍ଣ ତଥ୍ୟ ଓ ପ୍ରମାଣ ଶୁଣିଥିଲେ କୋର୍ଟ । ଏବେ କେଉଁ ମାମଲା ଉପରେ ପ୍ରଥମେ ଶୁଣାଣି ହେବ ଆସନ୍ତାକାଲି କୋର୍ଟ ତାହା ନିଷ୍ପତ୍ତି ନେବେ ବୋଲି କୋର୍ଟ କହିଛନ୍ତି ।

ତେବେ ମୁସଲମାନ ପକ୍ଷ କହିବା କଥା ହେଲା ସୁପ୍ରିମକୋର୍ଟଙ୍କ ଅନୁସାରେ, ଆଗ ଶୁଣାଣି କରିବା ସପକ୍ଷରେ ଯୁକ୍ତି ବାଢ଼ିଥିଲା । ହେଲେ ହିନ୍ଦୁ ପକ୍ଷର କହିବା କଥା ହେଲା ଆଗ ସର୍ଭେ ରିପୋର୍ଟ ଉପରେ ଶୁଣାଣି ହେଉ। ଏନେଇ ହିନ୍ଦୁ ପକ୍ଷର ବିଷ୍ଣୁ ଜୈନ୍ କହିଛନ୍ତି ଯେ କେଉଁ ପ୍ରୋସିଜର କ’ଣ ହେବ ତାହା କୋର୍ଟ ସ୍ଥିର କରିବେ। ହେଲେ ବିପକ୍ଷ କହୁଛି ଯେ ଅର୍ଡର ୭୧୧ର ପ୍ରଥମେ ଶୁଣାଣି କରାଯାଉ। ହେଲେ ଆମେ ଚାହୁଁଛି ଯେ ଆର୍ଡର ୨୬ ସହିତ ୭୧୧ର ଶୁଣାଣି ହେଉ। କିନ୍ତୁ ବିପକ୍ଷ ଚାହୁଁଛି ଦୁଇଟିଯାକ ଅଲଗା ଅଲଗା ଶୁଣାଣି ହେଉ।

ଏଥିସହିତ ପଢ଼ନ୍ତୁ: ଆଶା କର୍ମୀଙ୍କୁ ପ୍ରଶଂସା କଲା ବିଶ୍ୱ ସ୍ୱାସ୍ଥ୍ୟ ସଂଗଠନ

[DISPLAY_ULTIMATE_SOCIAL_ICONS]