ସୀମାରେ ବଡ ସଫଳତା, ସିଙ୍ଗଲ୍ ସଟ ରାଇଫଲ ସମେତ ମାଓ ସାମଗ୍ରୀ ଜବତ
1 min read
ଉମରକୋଟ : ଛତ୍ରଭଙ୍ଗ ଦେଲେ ନକ୍ସଲ । ସୀମାରେ ବଡ ସଫଳତା, ସିଙ୍ଗଲ୍ ସଟ ରାଇଫଲ ସମେତ ମାଓ ସାମଗ୍ରୀ ଜବତ । ନବରଙ୍ଗପୁର ସୀମାନ୍ତ ଛତିଶଗଡ଼ ଗରିଆବନ୍ଧ ଜିଲ୍ଲାର ଅମର ଜଙ୍ଗଲରେ ସୁରକ୍ଷା ବାହିନୀ ବଡ଼ ସଫଳତା ମିଳିଛି। ଡିଆରଜି, କୋବ୍ରା-୨୦୭, ଓଡିଶା ଏସଓଜି, ଏବଂ ସିଆରପିଏଫ ର ମିଳିତ ଦଳ ସର୍ଚ୍ଚ ଅପରେସନ୍ କରିଥିଲେ। ନକ୍ସଲ କ୍ୟାମ୍ପ ଉପରେ ଚଢଉ କରି ରାଇଫଲ, ନକ୍ସଲ ସାହିତ୍ୟ ଏବଂ ଅନ୍ୟାନ୍ୟ ସାମଗ୍ରୀ ଜବତ ହୋଇଛି । ଗରିଆବନ୍ଧ ପୋଲିସ ଅଧୀକ୍ଷକ ନିଖିଲ ରାଖେଚା କହିଛନ୍ତି ସର୍ଚ୍ଚ ଅପରେଶନ ଦେଖି ନକ୍ସଲମାନେ ଗୁଳି ଚଳାଇବା ଆରମ୍ଭ କରିଥିଲେ। ସୁରକ୍ଷା ବାହିନୀ ପାଲଟା ଆକ୍ରମଣ ପରେ ନକ୍ସଲମାନେ ଛତ୍ରଭଙ୍ଗ ଦେଇଛନ୍ତି। ଏସପି କହିଛନ୍ତି କିଛିଦିନ ମଧ୍ୟରେ ନକ୍ସଲ୍ ଦମନ ଅପରେଶନ ଶେଷ ପର୍ଯ୍ୟାୟ ରେ ପହଞ୍ଚିବ।
