ଋଷି ସୁନକଙ୍କୁ ଆଉ ଥରେ ମିଳିପାରେ ସୁଯୋଗ, ଲିଜ୍ ଟ୍ରସଙ୍କ ବଢୁଛି ବିପଦ

ଲଣ୍ଡନ: ବ୍ରିଟେନରେ ପ୍ରଧାନମନ୍ତ୍ରୀ ଲିଜ୍ ଟ୍ରସଙ୍କ ଉପରେ ବିପଦ ଘନେଇବାରେ ଲାଗିଛି । ପାର୍ଟିର ସଦସ୍ୟ ଖୋଲାଖୋଲି ଟ୍ରସଙ୍କୁ ବିରୋଧ କରିଛନ୍ତି । ବଡ ସଂଖ୍ୟାରେ କଞ୍ଜରଭେଟିଭ୍ ପାର୍ଟିର ସଦସ୍ୟ ବୋରିସ୍ ଜନସନଙ୍କୁ ପୁଣି ଥରେ ବ୍ରିଟେନର ପ୍ରଧାନମନ୍ତ୍ରୀ କରାଯିବା ପକ୍ଷରେ ଅଛନ୍ତି । ଦ୍ଵିତୀୟ ପସନ୍ଦ ଭାବେ ଅଛନ୍ତି ଋଷି ସୁନକ । ଏକ ସର୍ଭେ ଅନୁଯାୟୀ, ଲିଜ୍ ଟ୍ରସ ନିଜ ପାର୍ଟିରେ ଭରସା ହରାଇ ଚାଲିଛନ୍ତି । ବହୁ ସଂଖ୍ୟାରେ ସଦସ୍ୟ ଟ୍ରସଙ୍କ ଇସ୍ତଫା ଦାବି କଲେଣି ।

୫୫ ପ୍ରତିଶତ ସଦସ୍ୟଙ୍କ ମତରେ ଟ୍ରସଙ୍କୁ ପଦରୁ ଇସ୍ତଫା ଦେବା ଉଚିତ୍ । ଋଷି ସୁନକଙ୍କୁ ପୁଣି ଥରେ ସୁଯୋଗ ଦେବା ଉଚିତ୍ । ମାତ୍ର ୨୫ ପ୍ରତିଶତ ହିଁ ଟ୍ରସଙ୍କ ସପକ୍ଷରେ ଅଛନ୍ତି । ମିନି ବଜେଟକୁ ନେଇ ୟୁଟର୍ଣ୍ଣ ନେବାରୁ ଟ୍ରସ୍ ନିଜ ପାର୍ଟିରେ ଭରସା ହରାଇଛନ୍ତି । ସର୍ଭେରେ ପୂର୍ବତନ ପ୍ରଧାନମନ୍ତ୍ରୀ ବୋରିସ୍ ଜନସନଙ୍କୁ ଢେର ସମର୍ଥନ ମିଳିବାରେ ଲାଗିଛି । ୬୩ ପ୍ରତିଶତ ସଦସ୍ୟଙ୍କ କହିବା କଥା ଜନସନ ଟ୍ରସଙ୍କ ଭଲ ବିକଳ୍ପ ହୋଇ ପାରିବେ ।

୩୨ ପ୍ରତିଶତ ଜନସନଙ୍କୁ ସବୁଠୁ ଯୋଗ୍ୟ ମନେ କରିଛନ୍ତି । ୨୩ ପ୍ରତିଶତ ପାର୍ଟି ସଦସ୍ୟ ସୁନକଙ୍କ ସହିତ ରହିଛନ୍ତି ।