NIA ଟିମର ସାଂଘାତିକ ଖୁଲାସା, ଉଦୟପୁର ହତ୍ୟା ପଛରେ ISIS ଲିଙ୍କ୍

ଜୟପୁର: ରାଜସ୍ଥାନ ଉଦୟପୁର ହତ୍ୟା ପଛରେ ISIS ଲିଙ୍କ୍ । ଉଦୟପୁର ଘଟଣାକୁ ନେଇ ସାଂଘାତିକ ଖୁଲାସା କରିଛି NIA । ଟେଲର କହ୍ନେୟା ଲାଲ ହତ୍ୟାକାଣ୍ଡ ପଛରେ ଇସଲାମିକ ଷ୍ଟେଟ୍ ଟେରରିଷ୍ଟ ଅର୍ଗାନାଇଜେସନର ହାତ । କହ୍ଲେୟାଙ୍କୁ ହତ୍ୟା ପୂର୍ବରୁ ଦୁଇ ଅଭିଯୁକ୍ତ ISISର ଭିଡିଓ ଦେଖିଥିଲେ ବୋଲି କହିଛି ତଦନ୍ତକାରୀ ଟିମ୍ । ଏହାସହ ଉଦୟପୁରରେ ଆତଙ୍କୀ ହମଲା କରିବାକୁ ସେମାନେ ଯୋଜନା କରିଥିଲେ ବୋଲି ସୁରାକ ପାଇଛଇ NIA ଟିମ୍ ।

ମାର୍ଚ୍ଚ ୩୦ରେ ଜୟପୁରରେ ହୋଇଥିବା ସିରିଏଲ ବ୍ଲାଷ୍ଟରେ ମଧ୍ୟରେ ଏହି ଦୁଇ ଅଭିଯୁକ୍ତଙ୍କ ସମ୍ପୃକ୍ତି ରହିଥିବା ପୋଲିସ ସୂଚନା ପାଇଛି । ଦୁଇ ଅଭିଯୁକ୍ତଙ୍କଠାରୁ ଜବତ ହୋଇଥିବା ମୋବାଇଲ ଫୋନ୍ ଓ ଅନ୍ୟ ଇଲେକଟ୍ରୋନିକ୍ସ ସାମଗ୍ରୀ ଫରେନସିକ ଲ୍ୟାବକୁ ପଠାଯିବ । ହତ୍ୟାକାଣ୍ଡ ପୂର୍ବରୁ ଓ ପରେ ଦୁଇ ଅଭିଯୁକ୍ତ ପାକିସ୍ତାନରେ ଥିବା ଅଜଣା ବ୍ୟକ୍ତିଙ୍କ ସହ ଫୋନ କଲରେ କଥା ହୋଇଥିବା ସୂଚନା ପାଇଛି ତଦନ୍ତକାରୀ ଟିମ୍ । ୧୪୪ ଧାରା ଜାରି ହୋଇଥିବାରୁ ଏବେ ସ୍ଥିତି ନିୟନ୍ତ୍ରଣରେ ରହିଛି ।