U19 World Cup: ଅଷ୍ଟ୍ରେଲିଆକୁ ହରାଇ ଲଗାତାର ଚତୁର୍ଥଥର ପାଇଁ ଭାରତ ଫାଇନାଲରେ

ନୂଆଦିଲ୍ଲୀ: ସେମିଫାଇନାଲରେ ଅଷ୍ଟ୍ରେଲିଆକୁ ହରାଇ ଫାଇନାଲରେ ଭାରତ । ୧୯ ବର୍ଷରୁ କମ୍ ବିଶ୍ୱକପରେ ଭାରତୀୟ ଦଳ ୯୬ ରନରେ ଅଷ୍ଟ୍ରେଲିଆକୁ ହରାଇଛି । ଏଥିସହ ଲଗାତାର ଚତୁର୍ଥଥର ଲାଗି ଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ । ଏବେ ୫ ତାରିଖରେ ଇଂଲଣ୍ଡ-ଭାରତ ମଧ୍ୟରେ ହେବ ଫାଇନାଲ ଟକ୍କର ।

ଟସ୍ ଜିତି ଭାରତ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୨୯୦ ରନ୍ କରିଥିଲା । ଜବାବରେ ବ୍ୟାଟିଂ କରୁଥିବା ଅଷ୍ଟ୍ରେଲିଆ ୧୯୪ ରନରେ ଅଲଆଉଟ୍ ହୋଇ ଯାଇଥିଲା । ଭାରତୀୟ ଦଳର ଅଧିନାୟକ ୟଶ ଧୁଲ ସର୍ବାଧିକ ୧୧୦ ରନ୍ ସ୍କୋର୍ କରିଛନ୍ତି । ସେହିଭଳି ଭିକି ଓସୱାଲ ସର୍ବାଧିକ ୩ଟି ୱିକେଟ୍ ନେଇଥିଲେ ।