ଭୁବନେଶ୍ୱର ମହାନଗର ନିଗମର ୨ ଯନ୍ତ୍ରୀ ଓ ଜଣେ ଡ୍ରାଇଭର କରୋନା ଆକ୍ରାନ୍ତ
1 min read
ଭୁବନେଶ୍ୱର: ବିଏମସି ଅଫିସ୍ ଛୁଇଁଲା କରୋନା । ଭୁବନେଶ୍ୱର ମହାନଗର ନିଗମ ଇଂଜିନିୟରିଂ ବିଭାଗର ୨ଜଣ କରୋନା ସଂକ୍ରମିତ ହୋଇଛନ୍ତି । ଜଣେ କାର୍ଯ୍ୟନିର୍ବାହୀ ଯନ୍ତ୍ରୀ ଓ ଜଣେ ସହକାରୀ ଯନ୍ତ୍ରୀଙ୍କ ନମୁନା କରୋନା ପଜିଟିଭ୍ ଆସିଛି । ୨ ଯନ୍ତ୍ରୀଙ୍କ ସହ ଜଣେ ଡ୍ରାଇଭର ମଧ୍ୟ ସଂକ୍ରମିତ ହୋଇଛନ୍ତି । ବିଏମସିର ଦୁଇ ଯନ୍ତ୍ରୀ ଛୁଟିରେ ନିଜ ଗାଁକୁ ଯାଇଥିଲେ। ଛୁଟିରୁ ଫେରିବା ପରେ ସେମାନଙ୍କ କୋଭିଡ୍ ଟେଷ୍ଟ ପରେ ସଂକ୍ରମିତ ହୋଇଥିବା ଜଣାପଡ଼ିଥିଲା ।
୩ ଜଣ ଆକ୍ରାନ୍ତଙ୍କୁ କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଛି । ଏଥିସହ ବିଏମସି ଇଂଜିନିୟରିଂ ବିଭାଗକୁ ସାନିଟାଇଜ୍ କରାଯାଇଛି । ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ଏନେଇ ସୂଚନା ଦେଇଛନ୍ତି । ବିଏମସି ତଥ୍ୟ ମୁତାବକ ଜୁଲାଇ ୪ ତାରିଖ ସୁଦ୍ଧା ରାଜଧାନୀରେ ମୋଟ୍ ୪୧୪ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୬ ଜଣଙ୍କ ମୃତ୍ୟୁ ହୋଇଛି । ୨୪୭ ଜଣ ସଂକ୍ରମିତ ସୁସ୍ଥ ହୋଇ ଫେରିଥିବା ବେଳେ ୧୬୦ଟି ସକ୍ରିୟ ସଂକ୍ରମିତ ମାମଲା ରହିଛି । ସେମାନଙ୍କ ଚିକିତ୍ସା କୋଭିଡ୍ ହସ୍ପିଟାଲରେ ଚାଲିଛି ।
