ପାଓ୍ବାର କମ୍ପାନୀ ପରିସରରେ କଙ୍ଗାରୁ କୋର୍ଟ, ଦୁଇ ଶ୍ରମିକଙ୍କୁ ଉଲଗ୍ନ କରି ନିସ୍ତୁକ ମାଡ଼ ଅଭିଯୋଗ

ଢେଙ୍କାନାଳ: ଢେଙ୍କାନାଳ ମୋଟଙ୍ଗା ଥାନା ଜଗନ୍ନାଥ ପାୱାର କମ୍ପାନୀ ପରିସର କଙ୍ଗାରୁ କୋର୍ଟ । ଦୁଇ ଶ୍ରମିକଙ୍କୁ ଉଲଗ୍ନ କରି ନିସ୍ତୁକ ମାଡ ମରାଯାଇଥିବା ଅଭିଯୋଗ । ମାମଲା ରୁଜୁ ହେବାର ତିନି ଦିନ ପରେ ବି ଦୁଇ ଅଭିଯୁକ୍ତଙ୍କ ମଧ୍ଯରୁ କାହାରିଙ୍କୁ ଗିରଫ କରୁନି ପୋଲିସ । ପୋଲିସର କାର୍ଯ୍ୟ ଦକ୍ଷତାକୁ ନେଇ ପ୍ରଶ୍ନ ଉଠୁଥିବା ବେଳେ ଅସନ୍ତୋଷ ବଢ଼ିବାରେ ଲାଗିଛି ।

ଅଭିଯୋଗ ଅନୁସାରେ, ତିନି ଦିନ ତଳେ କମ୍ପାନୀ ପରିସରରେ ଦୁଇ ଜଣ ଶ୍ରମିକଙ୍କୁ ଉଲଗ୍ନ କରି ଅନ୍ୟ ଦୁଇ ଜଣ କର୍ମଚାରୀ ନିସ୍ତୁକ ମାଡ ମାରିଥିଲେ । ସେମାନେ ବର୍ବରତାର ସୀମା ପାର କରିଯାଇଥିଲେ । ଦୁଇ ଶ୍ରମିକଙ୍କ ପ୍ଯାଣ୍ଟ ସାର୍ଟ ଓହ୍ଲାଇ ଉଲଗ୍ନ କରି ଜଣେ ସୁରକ୍ଷା କର୍ମଚାରୀ ଓ ଜଣେ ଚାଳକ ସେମାନଙ୍କୁ ନିର୍ଧୁମ ମାଡ ମାରିଥିଲେ ।

ମାଡ ଖାଇ ଗୁରୁତର ଆହତ ହୋଇଥିବା ଉଭୟ ଶ୍ରମିକଙ୍କୁ ଚିକିତ୍ସା ପାଇଁ ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ପରେ ଦୁଇ ଶ୍ରମିକଙ୍କ ସଂପର୍କୀୟ ଥାନାରେ ମାମଲା ରୁଜୁ କରିଥିଲେ । ତେବେ ଏବେ ଯାଏଁ କାହାକୁ ପୋଲିସ ଗିରଫ କରି ନଥିବାରୁ ଅଞ୍ଚଳରେ ଅସନ୍ତୋଷ ବଢ଼ିବାରେ ଲାଗିଛି ।