ଝିଅଟିକୁ ଜୀଅନ୍ତା ପୋତିବାକୁ ନେଉଥିଲେ, କିନ୍ତୁ ଲୋକ ଦେଖିଦେଲେ

ହାଇଦ୍ରାବାଦ: ଗୁରୁବାରର ଘଟଣା, ହାଇଦ୍ରାବାଦ ମରେଡ଼ପାଲିରେ ଜଣେ ବସ ଡ୍ରାଇଭର ଆଉ ଅଟୋ ଡ୍ରାଇଭର କଥା ହେଉଥିବା ସମୟରେ ଆଖିରେ ପଡ଼ିଲା ଏକ ଅଜବ ଦୃଶ୍ୟ  । ଗୋଟିଏ ଜୀଅନ୍ତା ଶିଶୁକୁ ପୋତିବାର ଚେଷ୍ଟା ଚଳାଇ ଗାତ ଖୋଳିଚାଲିଥିଲେ ଦୁଇଜଣ ଲୋକ । ଏତିକିବେଳେ ସଙ୍ଗେ ସଙ୍ଗେ ପୋଲିସକୁ ଫୋନ ଲଗାଇ ସବୁ କଥା ବଖାଣିଥିଲେ ଡ୍ରାଇଭର ଦୁଇଜଣ ।

ଖବର ପାଇବା ପରେ ଆଖିପିଛୁଳାକେ ସେହି ଜାଗାରେ ଆସି ପହଞ୍ଚିଲା ପୋଲିସ ଭ୍ୟାନ । ସୈାଭାଗ୍ୟବଶତଃ ଶିଶୁ ଜୀବନ ରକ୍ଷାହେବା ସହ ଅଟକିଯାଇଥିଲା ଏକ ଜଘନ୍ୟ ଅପରାଧ । ଦୁଇ ଜଣ ବ୍ୟକ୍ତିଙ୍କୁ ପୋଲିସ ଗିରଫ କରିଛି । ତେବେ କରିମନଗରରେ ରହୁଥିବା ଏ ଅଭିଯୁକ୍ତ ଦୁଇଜଣ ମିଛ ପରେ ମିଛ କହିଚାଲିଥିଲେ । ଶିଶୁକନ୍ୟାଟି ସମ୍ପର୍କରେ ତାଙ୍କ ନାତୁଣି ହେବ, ଅପରେସନ ବିଫଳ ହେବା ପରେ ତାର ମୃତ୍ୟୁ ହୋଇଛି ଏବଂ ତା’ର ଶେଷକୃତ୍ୟ ପାଇଁ ଗାତ ଖୋଳୁଥିବା ସେମାନେ କହିଥିଲେ । ଗାଁକୁ ମରଶରୀର ନେବାକୁ ପବ୍ଳିକ ଗାଡ଼ିକୁ ଅନୁମତି ନଥିବାବେଳେ ପୋତିବା ଛଡ଼ା ସେମାନଙ୍କ ପାଖରେ କିଛି ଉପାୟ ନଥିବା ପୋଲିସକୁ କହିଥିଲେ ।

କିନ୍ତୁ ଶିଶୁକନ୍ୟାଟିର କାନ୍ଦ ସବୁକିଛି ମିଛକୁ ସତ କରିଥିଲା । ଶିଶୁକୁ ବର୍ତ୍ତମାନ ଗାନ୍ଧୀନଗର ହସପିଟାଲରେ ଭର୍ତ୍ତି କରାଯାଇଛି ଏବଂ ତାର ଚିକିତ୍ସା ଚାଲିଥିବା ପୋଲିସ ସ୍ପଷ୍ଟ କରିଛି ।

ତେବେ ଏମାନେ କାହିଁକି ତାକୁ ମାରିବାକୁ ଚାହୁଁଥିଲେ ଏବଂ ସେମାନଙ୍କ ସହ ସଂପୃକ୍ତ ଶିଶୁର ସଂପର୍କ କଣ ପୋଲିସ ସେ ଦିଗରେ ତଦନ୍ତ କରୁଛି । ')}