ତଡ଼ିଦେଲେ ଶ୍ବଶୁର ଘର ଲୋକେ, ଧାରଣାରେ ବସିଲେ ଦୁଇ ବୋହୂ

1 min read

ବ୍ରହ୍ମପୁର: ଗଞ୍ଜାମ ଜିଲ୍ଲାରେ ପୁଣି ଡିମ୍ପଲ ଷ୍ଟୋରୀ ରିପିଟ୍ । ଏଥର ଜଣେ ନୁହେଁ ଦୁଇ ଜଣ ବୋହୂ ଶ୍ବଶୁର ଘର ଆଗରେ ଦେଇଛନ୍ତି ଧାରଣା । କୋଳରେ ଧରିଛନ୍ତି ଦୁଇଟି ଛୁଆ । ଗୋଟିଏ ଜିଦ୍ ଆମେ ଶ୍ବଶୁର ଘରେ ରହିବୁ ।

ସୂଚନାଯୋଗ୍ୟ, ଦୁଇ ଭଉଣୀ ଗୋଟିଏ ଘରକୁ ବାହା ହୋଇ ଆସିଥିଲେ । ଭଉଣୀରୁ ଜାଆ ହୋଇଥିଲେ । ହେଲେ ଶ୍ବଶୁର ଘରେ ପାରିବାରିକ ବିବାଦ ଲାଗି ରହିଥିଲା । ଯାହା ଏସପିଙ୍କ ପାଖକୁ ଯାଇଥିଲା । ଏସପି ଆପୋଷ ବୁଝାମଣା କରିଥିଲେ । ହେଲେ ସମସ୍ୟାର ସମାଧାନ ନହୋଇ ପୂର୍ବ ଭଳି ଅଭସ୍ଥା ସୃଷ୍ଟି ହୋଇଥିଲା । ଏବେ ଉଭୟଙ୍କୁ ମାଡ ମାରି ଶ୍ବଶୁର ଘର ଲୋକେ ଘରୁ ତଡି ଦେଇଥିବା ସେମାନେ ଅଭିଯୋଗ କରିବା ସହ ଦୁଇ ପିଲାଙ୍କୁ ଧରି ଘର ଦୂଆରେ ଧାରଣାରେ ବସିଛନ୍ତି ।

ଅଭିଯୋଗ ଅନୁସାରେ, ବିବାଦ ପରେ ଉଭୟ ଦୀର୍ଘଦିନ ହେବ ବାପଘରେ ରହୁଥିଲେ । ୧୦ ଦିନ ହେବ ଶ୍ବଶୁର ଘରକୁ ଆସିଥିଲେ । ଗତକାଲି ଘରକୁ ଝିଅଜ୍ବାଇଁ ଆସିଥିଲେ । ରାତିରେ ମାଛ ତରକାରୀ ହୋଇଥିଲା । ଛୋଟ ପୁଅଟି ମାଛ ଖାଇବାକୁ ମାଗିଥିଲା । ଏତିକିରେ ପିଲାଟିକୁ ମାଡ ମରାଯାଇଥିଲା । ତା’ ମାଆ ଆସି କାହିଁକି ମାରୁଛ ପଚାରିବାରୁ ତାକୁ ମଧ୍ୟ ମାଡ ମରାଯାଇଥିଲା । ଏହାପରେ ଆମେ ତୁମକୁ ପୋଷି ପାରୁନୁ ତୁମେ ତୁମ ମାଆ ଘରକୁ ଯାଆ କହି ଦୁଇ ଭଉଣୀଙ୍କୁ ପିଲାଙ୍କ ସହ ଘରୁ ବାହାର କରିଦେଇଥିଲେ ।

ସେମାନେ ଅଭିଯୋଗ କରିଛନ୍ତି, ଜଣେ ୫ ବର୍ଷ ଓ ଜଣେ ୪ ବର୍ଷ ହେଲା ବାହାଘର ହୋଇଥିଲା । ଆମକୁ ନରଖି ଝିଅଜ୍ବେଇଁଙ୍କୁ ଆଣି ରଖିବାକୁ ଚାହୁଁଛନ୍ତି । ସବୁ ସୁନାଗହଣା ବନ୍ଧା ପକାଇ ଦେଇଛନ୍ତି । ଦେଢ ବର୍ଷ ହେଲା ବାପଘରେ ରହୁଥିଲୁ । ବାପଘରେ କେତେ ଦିନ ରହିବୁ ? ଆମକୁ ନ୍ୟାୟ ମିଳୁ ଓ ଆମକୁ ଏଠାରେ ରହିବାକୁ ଦିଆଯାଉ ବୋଲି ସେମାନେ ଦାବି କରିଛନ୍ତି ।

ତେବେ ଅଭିଯୋଗକୁ ନେଇ ଦୁଇ ମହିଳାଙ୍କ ଶ୍ବଶୁର ଘର ଲୋକଙ୍କ ପ୍ରତିକ୍ରିୟା ମିଳିପାରିନି ।

[DISPLAY_ULTIMATE_SOCIAL_ICONS]