୧୨ ସେକେଣ୍ଡରେ ଦୁର୍ନୀତିର ଦ୍ବୈତ୍ବ ଅଟ୍ଟାଳିକା ଧ୍ବଂସ

ନୋଏଡା: ୯ ବର୍ଷର ବିବାଦ ୧୨ ସେକଣ୍ଡରେ ଧ୍ବଂସ । ଧରାଶାୟୀ ହେଲା ନୋଏଡା ଟୁଇନ ଟାଓ୍ବାର । କଡ଼ା ନିରାପତ୍ତାରେ ଅପରାହ୍ଣ ସାଢେ ୨ଟାରେ ହୋଇଛି ବିସ୍ଫୋରଣ । ଚାରିଆଡେ ଧୂଆଁମୟ ପରିବେଶ ସୃଷ୍ଟି ହୋଇଛି  ।  ଲାଇଭ ଏକ୍ସପ୍ଲୋଜନର ଦୃଶ୍ୟ ଦେଖିବାକୁ ସାରା ଦେଶ କରିଥିଲା  ପ୍ରତୀକ୍ଷା ।

୯ ବର୍ଷ ଧରି ଟାଓ୍ବାରକୁ ନେଇ ଚାଲିଥିଲା ବିବାଦ  । ସୁପରଟେକ୍ ଦ୍ବାରା ନିର୍ମିତ ହୋଇଥିବା ଟାଓ୍ବାର ଧ୍ବଂସ ପାଇଁ ବ୍ୟବହାର ହୋଇଛି ୩,୭୦୦ କେଜିର ବିସ୍ଫୋରକ  । ସ୍ଥାନାନ୍ତରିତ ହୋଇଛନ୍ତି ୭ ହଜାର ଲୋକ  । ଭାଙ୍ଗିବା ଲାଗି ନିର୍ଦ୍ଦେଶ ଦେଇଥିଲେ ସୁପ୍ରିମକୋର୍ଟ  । ସମ୍ପୂର୍ଣ୍ଣ ନିରାପଦ ଭାବେ ଟଳିଲା ଟାଓ୍ବାର  ।

ବିସ୍ଫୋରଣ ପୂର୍ବରୁ ଆଖପାଖ ଅଞ୍ଚଳକୁ ଖାଲି କରାଇ ଦିଆଯାଇଛି । ବିଲ୍ଡିଂ ପାଖରେ ରହୁଥିବା ପ୍ରାୟ ୭ହଜାର ଲୋକଙ୍କୁ ସ୍ଥାନାନ୍ତର କରାଯାଇଛି । ଆଜି ସକାଳୁ ବନ୍ଦ ରହିଛି ବିଦ୍ୟୁତ୍ ସରବହରାହ । ସୁରକ୍ଷା ଦୃଷ୍ଟିରୁ ନୋଏଡ଼ା-ଗ୍ରେଟର ନଏଡ଼ା ଏକ୍ସପ୍ରେସ ଓ୍ବେ ବନ୍ଦ ରଖାଯାଇଛି । ୨ଟା ୧୫ରୁ ୨ଟା ୪୫ଯାଏଁ ବନ୍ଦ ରହିବ ନୋଏଡ଼ା-ଗ୍ରେଟର ନଏଡ଼ା ଏକ୍ସପ୍ରେସ ଓ୍ବେ । ହେଲଥ ଏମର୍ଜେନ୍ସିକୁ ନଜରରେ ରଖି ଆଖପାଖର ତିନି ହସ୍ପିଟାଲକୁ ଆଲର୍ଟରେ ରଖାଯାଇଛି । ଟାଓ୍ବାରର ୫ଶହରୁ ୭ଶହ ମିଟର ପରିଧିକୁ ଏକ୍ସକ୍ଲୁଜନ ଜୋନ୍ ଘୋଷଣା କରାଯାଇଛି । ବ୍ଲାଷ୍ଟ ପରେ ଆଖପାଖ ସୋସାଇଟିକୁ ଯାଞ୍ଚ କରାଯିବ । ପିଲର, ଗ୍ୟାସ କନେକ୍ସନ, ଲିଫ୍ଟର ଯାଞ୍ଚ ହେବ ।