ମିସ୍ ୟୁ ପୁଚକି ଲେଖି ଯୁବକ ଟ୍ୱିଟରେ ଗର୍ଲଫ୍ରେଣ୍ଡକୁ ହରାଇବା ପାଇଁ ମୁଖ୍ୟମନ୍ତ୍ରୀଙ୍କୁ କଲେ ଦାୟୀ.

ପ୍ରେମର ଅସଲ ଶତ୍ରୁ ଏ ଦୁନିଆ ନୁହଁ । ବରଂ ସରକାରୀ ଚାକିରି । ଏହା ମୁଁ ନୁହେଁ ବରଂ ଜଣେ ପେମ୍ରିକଙ୍କର ମନର କଥା । ନିଜ ପ୍ରେମକୁ ହରାଇବା ଦୁଃଖ ଯେ କେତେ କଷ୍ଟ ତାହା ଆପଣ ଆଜିର ଏହି ଘଟଣା ଜାଣିଲେ ନିଶ୍ଚୟ ବୁଝିପାରିବେ । ବିହାର ମୁଖ୍ୟମନ୍ତ୍ରୀଙ୍କୁ ଜଣେ ପ୍ରେମିକର ନିବେଦନ । ଅସଲ ଘଟଣା ହେଉଛି ୧୩ ମେରେ ବିହାରର ମୁଖ୍ୟମନ୍ତ୍ରୀ ନିତିଶ କୁମାର ଲକ୍ଡାଉନ୍-୨ କୁ ବୃଦ୍ଧି କରି ୧୬ ମେରୁ ୨୫ମେ ପର୍ଯ୍ୟନ୍ତ ଧାର୍ଯ୍ୟ କରିଦେଇଥିଲେ । ମୁଖ୍ୟମନ୍ତ୍ରୀଙ୍କର ଏହି ଘୋଷଣା ପରେ ତାଙ୍କ ଟୁଇଟରେ ଆସିଲା ଜଣେ ପ୍ରେମିକଙ୍କର କମେଣ୍ଟ । ବିହାରର ଜଣେ ଯୁବକ ମୁଖ୍ୟମନ୍ତ୍ରୀଙ୍କୁ କମେଣ୍ଟରେ କହିଲେ-କି ବାହାଘର ଉପରେ ଯଦି ରୋକ ଲଗାଇଦିଅନ୍ତେ ତେବେ ୧୯ମେ ରେ ମୋ ପ୍ରେମିକାର ବାହାଘର ଅଟକି ଯାଆନ୍ତା । ଆଉ ଏଥିପାଇଁ ମୁଁ ସାରା ଜୀବନ ଆପଣଙ୍କର ଋଣି ହୋଇ ରହିବି । ଏହି ଟ୍ୱିଟ୍ ପରେ ଯୁବକ ଜଣକ ଭାଇରାଲ ହୋଇଥିଲେ । ଅବଶ୍ୟ ମୁଖ୍ୟମନ୍ତ୍ରୀ ତାଙ୍କୁ ଖୁସୀ କରିବା ଭଳି କିଛି ମଧ୍ୟ କରିନଥିଲେ । ତେବେ ସେଇ ଭାଇରାଲ ଯୁବକ ପୁଣିଥରେ ଖବରକୁ ଫେରିଛନ୍ତି । ଏଥର ମଧ୍ୟ ଟ୍ୱିଟ୍ କରି । ଏଥର ଟ୍ୱିଟ୍ ପ୍ରଥମ ଟ୍ୱିଟ୍ ଅପେକ୍ଷା ଅଧିକ ଦୁଃଖଦ । ଏହି ଟ୍ୱିଟରେ ଯୁବକ ଜଣକ ପ୍ରେମର ଶତ୍ରୁ କିଏ ତାହା କହିଛନ୍ତି । ତାଙ୍କ ପ୍ରେମର ଶତ୍ରୁ ନୀତିଶ ସରକାର ବୋଲି ସେ ସିଧାସଳଖ କହିଛନ୍ତି ।

୧୯ମେରେ ମୁଖ୍ୟମନ୍ତ୍ରୀଙ୍କୁ ଟୁଇଟ କରି ସେ ଲଖିଛନ୍ତି ଯେ, -ପ୍ରେମର ଶତ୍ରୁ କେବଳ ଏହି ଦୁନିଆ ନୁହେଁ । ବରଂ ପ୍ରେମର ଅସଲି ଶତ୍ରୁ ତ ସରକାରୀ ଚାକିରି । ଆଜି ମୋ ପାଖରେ ସରକାରୀ ଚାକିରି ଥିଲେ ମୋ ପ୍ରେମିକା ମୋ ସହ ଥାଆନ୍ତା । ବେରୋଜଗାରୀ ପାଇଁ ଆଜି ମୋ ପ୍ରେମିକା ମୋ ଠୁ ଦୂରେଇ ଯାଇଛି । ମୋ ଗାର୍ଲଫ୍ରେଣ୍ଡ ବାହା ହେଇ ଚାଲିଗଲା । ଏତିକି ମେସେଜ୍ ଲେଖିବା ସହ ହ୍ୟାସଟ୍ୟାଗ ମିସ୍ ୟୁ ପୁଚକୀ ଓ ନିଜର ଧ୍ୟାନ ରଖିବୁ ବୋଲି ଲେଖିଛନ୍ତି ପ୍ରେମିକ ଜଣଙ୍କ । ଯୁବକଙ୍କର ନାଁ ହେଉଛି ପଙ୍କଜ କୁମାର ଗୁପ୍ତା । ସେ ନିଜ ପ୍ରେମକୁ ହରାଇବାକୁ ଚାହୁଁନଥିଲେ ବୋଲି ମୁଖ୍ୟମନ୍ତ୍ରୀଙ୍କୁ ଟୁଇଟ ମାଧ୍ୟମରେ କରିଥିଲେ ଅପିଲ୍ ।

ତେବେ ପ୍ରଥମ ଟୁଇଟରେ ମୁଖ୍ୟମନ୍ତ୍ରୀଙ୍କୁ କମେଣ୍ଟ ମାଧ୍ୟମରେ ଜଣାଇଥିଲେ ନିଜ ମନର ଦୁଃଖ । ସେ କହିଥିଲେ – ମୁଁ ଗ୍ରାଜୁଏଟ୍ ହୋଇ ବି ବେରୋଜଗାର,ମୋ ପ୍ରେମିକାର ବାପାଙ୍କୁ ଦରକାର ସରକାରୀ ଚାକିରି ବାଲା ପୁଅ,ସେଥିପାଇଁ ଚାକିରି ନଥିବାରୁ ମୋତେ ରିଜେକ୍ଟ କରିଦେଲେ । ଆଉ କାହା ସହ ୧୯ ମେରେ ମୋ ପ୍ରେମିକାର ବାହାଘର । ସାରା ଦୟାକରି ଏମିତି କିଛି କରନ୍ତୁ ଯାହା ଫଳରେ କେହି ବି ଯୁବକ ବେରୋଜଗାର ରହିବେନି କି ସେମାନଙ୍କର ପ୍ରେମିକା ତାଙ୍କ ଠାରୁ ଦୂରେଇ ଯିବେନି ।

ପଙ୍କଜଙ୍କର ଏହି ଟୁଇଟ ବର୍ତମାନ ଖୁବ୍ ଭାଇରାଲ ହେଉଛି । ଆଉ ତାଙ୍କର ଏହି ଟୁଇଟର ରିପ୍ଲାଏଗୁଡିକ ବି ଖୁବ୍ ମଜେଦାର ଥିଲା । ଜଣେ ୟୁଜରସ୍ ତାଙ୍କୁ ରିପ୍ଲାଏ ଦେଇ ଲେଖିଛନ୍ତି – କି ଭାଇ ମୁଁ କହିଥିଲି ନା ତୁମେ ଚାକିରି ପାଇଁ ଆଉ କେଉଁ ରାଜ୍ୟକୁ ପଳାଅ । ନିତିଶ କୁମାର ଚାକିରି ଦେବାକୁ ଚାହୁଁନାହାନ୍ତି । ଆଉ ବିଜେପୀ ବାଲା ପ୍ରେମୀ ଜୁଗଳଙ୍କୁ କେବେ ବି ଏକାଠି ହେବାକୁ ଦେବେନି । ଆମର ଅଭିଶାପ ଲାଗିବ ନିତିଶ କୁମାରଙ୍କୁ । ଏହି ଖବର ବର୍ତମାନ ଟୁଇଟରେ ଖୁବ ଚର୍ଚ୍ଚା ହେଉଛି । ସୋସିଆଲ ମିଡିଆରେ ଏହାର ମଜା ନେଉଛନ୍ତି ଅନେକ ୟୁଜରସ୍ ।