ଟ୍ରମ୍ପ-ପୁଟିନ ଆଲୋଚନା: ଶେଷ ହେବ କି ୟୁକ୍ରେନ ଯୁଦ୍ଧ ?

ନନ୍ଦିଘୋଷ ବ୍ୟୁରୋ: ଖୁବ୍ ଶୀଘ୍ର ଅନ୍ତ ହୋଇପାରେ ଋଷ-ୟୁକ୍ରେନ ଯୁଦ୍ଧ । ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଯୁଦ୍ଧର ଅନ୍ତ ସମ୍ପର୍କରେ ଆଲୋଚନା କରିଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ।

ଟ୍ରମ୍ପ କହିଛନ୍ତି, ପୁଟିନଙ୍କ ସହ ସକାରାତ୍ମକ ଆଲୋଚନା ହୋଇଛି । ନିରୀହ ୟୁକ୍ରେନ ବାହିନୀର ସୈନ୍ୟମାନଙ୍କ ଜୀବନ ରକ୍ଷା କରିବା ଲାଗି ସେ ଆହ୍ବାନ ଦେଇଛନ୍ତି । ଯୁଦ୍ଧରେ ବର୍ତ୍ତମାନ ୟୁକ୍ରେନ ବାହିନୀ ସମ୍ପୂର୍ଣ୍ଣ ତଳିତଳାନ୍ତ ହୋଇଗଲାଣି ବୋଲି ସେ କହିବା ସହ ଯୁଦ୍ଧର ତୁରନ୍ତ ଅନ୍ତ ଘଟିବା ନେଇ ସେ ଆଶାବାଦୀ ରହିଥିବା କହିଛନ୍ତି । ୟୁକ୍ରେନ ବାହିନୀ ଅତି ଦୁର୍ବଳ ଅବସ୍ଥାରେ ରହିଛନ୍ତି । ଯଦି ସେମାନଙ୍କ ଉପରେ ଋଷ ଆକ୍ରମଣ କରେ ତେବେ ସ୍ଥିତି ଅତି ସଙ୍ଗୀନ ହେବ । ଋଷ ଓ ୟୁକ୍ରେନ ମଧ୍ୟରେ ୩୦ ଦିନିଆ ଅସ୍ତ୍ରବିରତି ଆମେରିକା ପ୍ରସ୍ତାବ ଦେବାର କିଛି ଦିନ ମଧ୍ଯରେ ଟ୍ରମ୍ପ ଓ ପୁଟିନଙ୍କ ମଧ୍ୟରେ ଏହି ଆଲୋଚନା ହୋଇଛି । ସେପଟେ ଅସ୍ତ୍ରବିରତି ପ୍ରସ୍ତାବ ନେଇ ଟ୍ରମ୍ପଙ୍କୁ ନିକଟକୁ ଏକ ବାର୍ତ୍ତା ପଠାଇଛନ୍ତି ପୁଟିନ।