କଟକ : ଅକ୍ଟୋବର ୧୧ରୁ ଆରମ୍ଭ ହେବ ୨୦୨୬-୨୭ ରଣଜୀ ସିଜିନ । ଖେଳ ପାଇଁ ଓଡ଼ିଶା ଟିମ ଗତ ଦୁଇ ମାସ ହେବ ଜୋରସୋରରେ ପ୍ରସ୍ତୁତି ଚଳାଇଛି । ଓଡିଶା ଟିମ ଏଥର କଷ୍ଟକର ଏଲିଟ୍ ଗ୍ରୁ- ସି ରେ ସ୍ଥାନ ପାଇଛି। ଏଥିରେ ଗୁଜରାଟ, ଦିଲ୍ଲୀ,ମହାରାଷ୍ଟ୍ର, ବେଙ୍ଗଲ, ଝାଡ଼ଖଣ୍ଡ, ସର୍ଭିସେସ ଓ କେରଳ ଭଳି ଟିମ ରହିଛନ୍ତି। ଅକ୍ଟୋବର ୧୧ ରୁ ୧୪ ତାରିଖ ପର୍ଯ୍ୟନ୍ତ ଅହମଦାବାଦରେ ଓଡିଶା ଗୁଜରାଟକୁ ତାର ପ୍ରଥମ ମ୍ୟାଚରେ ଭେଟିବ । ଏହା କଷ୍ଟକର ହେବ, କାରଣ ଗୁଜରାଟ ଭଲ ଟିମ ଏବଂ ତାର ଘରୋଇ ପରିବେଶରେ ଗୁଜରାଟକୁ ଓଡ଼ିଶା ଭେଟିବ। ସେପଟେ ଭିନ୍ନ ଭିନ୍ନ ସମୟ ଓ ପରିବେଶରେ ନିଜକୁ ଖାପଖୁଆଇ ଭଲ ଖେଳିବାକୁ ଓଡ଼ିଶା ଟିମ୍ ପ୍ରୟାସ କରିଛି । ରଣଜୀ ଟ୍ରଫି ଏଲିଟ୍ ଗ୍ରୁପରେ ସବୁ ଦଳ ଭଲ , ତେଣୁ ଓଡ଼ିଶାକୁ ଶ୍ରେଷ୍ଠ ଖେଳ ଦେଖାଇବାକୁ ପଡିବ ବୋଲି କହିଛନ୍ତି ଅଭିଜ୍ଞ ଖେଳାଳି ଶୁଭ୍ରାଂଶୁ ସେନାପତି ।
ଓଡିଶା ଦ୍ବିତୀୟ ମ୍ୟାଚରେ ଅକ୍ଟୋବର ୧୮ ରୁ ୨୧ ତାରିଖ ପର୍ଯ୍ୟନ୍ତ କେରଳକୁ, ତୃତୀୟ ମ୍ୟାଚରେ ଅକ୍ଟୋବର ୨୬ ରୁ ୨୯ ପର୍ଯ୍ୟନ୍ତ ସର୍ଭିସେସକୁ, ଚତୁର୍ଥ ମ୍ୟାଚରେ ନଭେମ୍ବର ୨ ତାରିଖରୁ ୫ ପର୍ଯ୍ୟନ୍ତ ଝାଡ଼ଖଣ୍ଡକୁ ଭେଟିବ। ସେହିପରି ଓଡିଶା ପଞ୍ଚମ ମ୍ୟାଚ ନଭେମ୍ବର ୧୭ ତାରିଖରୁ ୨୦ ତାରିଖ ପର୍ଯ୍ୟନ୍ତ ଦିଲ୍ଲୀ ବିପକ୍ଷରେ ଖେଳିବ । ଏହା ପରେ ଓଡିଶା ଷଷ୍ଠ ମ୍ୟାଚ ୨୪ ରୁ ୨୭ ଜାନୁଆରୀ ମହାରାଷ୍ଟ୍ର ବିପକ୍ଷରେ ଓ ସପ୍ତମ ତଥା ଶେଷ ମ୍ୟାଚ ଫେବ୍ରୁୟାରୀ ୧ ତାରିଖରୁ ୪ ମଧ୍ଯରେ ବେଙ୍ଗଲ ବିପକ୍ଷରେ ଖେଳିବ। ଦୁଇଟି ମ୍ୟାଚ ଛାଡି ଓଡିଶା ସବୁ ମ୍ୟାଚ ବାହାରେ ଖେଳିବ । ସମୀକ୍ଷକଙ୍କ ମତ, ଏଥର ଓଡିଶାକୁ ପଛ କଥା ଭୁଲି ଶ୍ରେଷ୍ଠ ଖେଳ ପ୍ରଦର୍ଶନ କରିବାକୁ ପଡିବ।…
ଓଡିଶା ଟିମ ଆଉ ତିନି ଦିନ ପରେ ପ୍ରଥମ ମ୍ୟାଚ ଖେଳିବାକୁ ଅହମଦାବାଦ ଯାତ୍ରା କରିବ
