ଭାରସ୍ୟାମ ହରାଇ କାର୍ ଓ ବାଇକ ଉପରେ ମାଡିଗଲା ଟ୍ରକ୍, ଜଣେ ମୃତ

କଟକ: ଜଗତପୁର ଖଇରା ପୋଲ ନିକଟରେ ମାଡ଼ିଗଲା ଟ୍ରକ୍ । ଭାରସାମ୍ୟ ହରାଇ ଦୁଇଟି କାର ଓ ୫ଟି ବାଇକ ଉପରେ ମାଡ଼ି ଯାଇଛି ଟ୍ରକ । ଟ୍ରକ୍ ଦୁର୍ଘଟଣାରେ ୭ ଜଣ ଆହତ ହୋଇଛନ୍ତି  । କାର ଓ ବାଇକ ଉପରେ ମାଡ଼ିଯାଇ ଦୋକାନ ଭିତରକୁ ମାଡ଼ିଗଲା ଟ୍ରକ । ୭ ଆହତଙ୍କୁ କଟକ ଏସସିବି ମେଡିକାଲରେ ଭର୍ତ୍ତି କରାଯାଇଛି  । ସେପଟେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖିବାକୁ ମିଳିଛି  ।

ଜଗତପୁରରେ ଖଇରା ପୋଲ ନିକଟରେ ମାଡ଼ିଗଲା ଟ୍ରକ୍, ଜଣେ ମୃତ, ୯ ଆହତ । ଭାରସାମ୍ୟ ହରାଇ ଦୁଇଟି କାର ଓ ୫ଟି ବାଇକ ଉପରେ ମାଡ଼ିଗଲା ଟ୍ରକ । କାର ଓ ବାଇକକୁ ଧକ୍କା ଦେଇ ଏକ ଫଳ ଦୋକାନ ଭିତରକୁ ଟ୍ରକଟି ମାଡ଼ିଯିବାରୁ ଜଣଙ୍କର ମୃତ୍ୟୁ ହୋଇଛି, ୯ ଆହତ ହୋଇଛନ୍ତି । ଫଳଦୋକାନୀ ୪୫ ବର୍ଷୀୟ ସୁବାସ ସାହୁ ପ୍ରାଣ ହରାଇଛନ୍ତି। ୬ ଜଣଙ୍କୁ କଟକ ଏସସିବି ମେଡିକାଲରେ ଭର୍ତ୍ତି କରାଯାଇଥିବାବେଳେ ୩ ଜଣ ଘରୋଇ ମେଡିକାଲରେ ଚିକିତ୍ସାଧୀନ ଅଛନ୍ତି । ଆହତଙ୍କ ମଧ୍ୟରେ ୪ ଜଣ ମହିଳା ଅଛନ୍ତି ।

ସାଲେପୁର ଆଡୁ ଆସୁଥିବା ଟ୍ରକଟି କେହି କିଛି ବୁଝିବା ପୂର୍ବରୁ ଜଗତପୁର ଖଇରା ପୋଲ ନିକଟରେ ଭାରସାମ୍ୟ ହରାଇ ହଠାତ ଫଳ ଦୋକାନ ଆଡ଼କୁ ମାଡ଼ି ଯାଇଥିଲା । ଦୋକାନ ନିକଟରେ ଥିବା କାର ଓ ବାଇକକୁ ଧକ୍କା ଦେଇ ଦୋକାନ ଭିତରକୁ ପଶି ଯାଇଥିଲା ଟ୍ରକ୍ । ଦୁର୍ଘଟଣା ପରେ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା । ପୋଲିସ୍ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ଆହତଙ୍କୁ ମେଡିକାଲ ପଠାଇଥିଲା । ପୂର୍ବରୁ ଦୁଇଟି ଦୁର୍ଘଟଣା କରି କ୍ଷୀପ୍ର ଗତିରେ ଆସୁଥିଲା ଟ୍ରକ । ପାଗାବଜାର ଓ ପୀର ବଜାରରେ ଦୁର୍ଘଟଣା ଘଟାଇ ଆସିଥିଲା ଟ୍ରକଟି । ମଦ ପିଇ ଗାଡ଼ି ଚଳାଉଥିଲା ଡ୍ରାଇଭର । ଟ୍ରକ ଡ୍ରାଇଭରକୁ ଅଟକ ରଖି ପଚରାଉଚରା କରୁଛି ଜଗତପୁର ପୋଲିସ୍ ।…