ବିଳମ୍ବିତ ରାତିରେ ଦ୍ରୁତ ଗତିରେ ଆସି ଘରେ ଉପରେ ମାଡ଼ିଗଲା ଟ୍ରକ୍
ବ୍ରହ୍ମପୁର: ଗଞ୍ଜାମ ଜିଲ୍ଲା ସଦର ଥାନା ଅନ୍ତର୍ଗତ ଲାଞ୍ଜିଆ ଗାଁରେ ଦୁର୍ଘଟଣା । ବିଳମ୍ବିତ ରାତିରେ ଗୋପାଳ ସମାଜ ସଭା ଗୃହ ସମ୍ମୁଖରେ ବିଳମ୍ବିତ ରାତିରେ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଛି । ଟ୍ରକଟି ଦ୍ରୁତ ଗତିରେ ଯାଉଥିବା ବେଳେ ଭାରସାମ୍ୟ ହରାଇ ପ୍ରଥମେ ଏକ ଅଟୋକୁ ଧକ୍କା ଦେଇଥିଲା । ପରେ ଅପରପାଶ୍ୱରେ ଥିବା ଘର ବାରଣ୍ଡା ଉପରକୁ ମାଡ଼ି ଯାଇଥିଲା ।
ଫଳରେ ଗୋଟିଏ ଘର ସମ୍ପୂର୍ଣ୍ଣ ନଷ୍ଟ ହୋଇ ଯାଇଛି । ସୌଭାଗ୍ୟର କଥା ଘରେ କେହି ନଥିବା ଯୋଗୁଁ କିଛି ବଡ଼ ଅଘଟଣ ଘଟିନାହିଁ । ଗାଡ଼ି ଚାଳକର କିମ୍ବା ହେଲ୍ପର ଗୋଟିଏ ଗୋଡ଼ କଟି ଯାଇଛି । ଗୋଡ଼ କଟି ଯାଇଥିବା ଯୁବକ ଜଣଙ୍କୁ ବଡ଼ ମେଡ଼ିକାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି ।
