ଘରେ ବାପା ମାଆଙ୍କ ଆଉ ବାହାରେ ପଡ଼ିଛି ପୁଅର ଶବ

ସୋନପୁର: ସୋନପୁର ଜିଲ୍ଲା ବିନିକା ଥାନା ସିଲଟି ଗାଁରେ ଟ୍ରିପଲ ମର୍ଡର । ଗାଁର ଗୋଟିଏ ପରିବାରର ୩ଜଣଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି । ମୃତକମାନେ ହେଉଛନ୍ତି ବୁଲୁ ଭୋଇ, ସ୍ତ୍ରୀ ବଇଦେହି ଭୋଇ ଏବଂ ପୁଅ ଶିବ ଭୋଇ । ୩ ଜଣଙ୍କୁ ଧାରୁଆ ଅସ୍ତ୍ରରେ ହତ୍ୟା କରାଯାଇଛି । ଘରେ ପଶି କେହି ଦୁର୍ବୃତ୍ତ ଜଘନ୍ୟ କାଣ୍ଡ ଘଟାଇଥିବା ଅନୁମା କରାଯାଉଛି । ପୁଅର ମୃତଦେହ ଘର ବାହାରେ ପଡ଼ିଥିବା ବେଳେ ବାପା, ମାଆଙ୍କ ମୃତଦେହ ଘର ଭିତରେ ପଡିଛି ।

ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ କେହି ଜଣେ ଦୁର୍ବୃତ୍ତ ହତ୍ୟା କରିଥିବା ସନ୍ଦେହ । ଦେହରେ ଥିବା କ୍ଷତ ଚିହ୍ନ ଦେଖି ୩ଜଣଙ୍କୁ ହତ୍ୟା କରଯାଇଥିବା ପୋଲିସ ପ୍ରଥମିକ ତଦନ୍ତରୁ ସ୍ପଷ୍ଟ କରିଛି । ତେବେ ପରିବାରରେ କିଛି କଳହକର ପରିସ୍ଥିତି ଉପୁଜି ନଥିଲା କି ସେମାନଙ୍କର କେହି ପୂର୍ବ ଶତ୍ରୁ ମଧ୍ୟ ନଥିଲେ । ତେବେ କେଉଁ କାରଣରୁ ହତ୍ୟା କରାଯାଇଛି ସେନେଇ ସ୍ପଷ୍ଟ ସୂଚନା ମିଳିନାହିଁ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି । ପରିବାରର ଦୁଇ ଝିଅଙ୍କ ବିବାହ ହୋଇ ସାରିଥିବା ବେଳେ ସାନ ପୁଅ ତାମିଲନାଡୁରେ କାମ କରୁଛି ।

ତେବେ ସ୍ଥାନୀୟ ଲୋକଙ୍କ କହିବା ଅନୁସାରେ ଏ ପରିବାର ଏକ ଭଲ ପରିବାର ଥିଲା ସେମାନଙ୍କ କାହା ସହ ମଧ୍ୟ ଶତ୍ରୁତା ନଥିଲା । କିନ୍ତୁ କୁହାଯାଉଛି ଯେ, ପରିବାରର ୨ଝିଅ ବାହାର ରାଜ୍ୟରେ ବିବାହ କରିଥିଲେ  । ସେମାନଙ୍କ ମଧ୍ୟରୁ ଗୋଟିଏ ଝିଅର ପରିବାରର କିଏ ଜଣେ ଗତକାଲି ରାତିରେ ତାଙ୍କ ଘରକୁ ଆସିଥିଲେ । ଯଦିଓ ଏନେଇ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ ।

( ସୋନପୁରରୁ ମନୋଜ ମିଶ୍ର )