ଆନ୍ଧ୍ର ସହ ପୋଲାଭରମକୁ ବିରୋଧ କରୁଛନ୍ତି ୪ ରାଜ୍ୟର ଆଦିବାସୀ
ମାଲକାନଗିରି: ଆନ୍ଧ୍ରର ପୋଲାଭରମ ପ୍ରକଳ୍ପକୁ ପୁଣି ବିରୋଧ । ତେଜିଲା ଆନ୍ଦୋଳନ । ଏକାଠି ହେଲେ ୪ ରାଜ୍ୟର ହଜାର ହଜାର ଆଦିବାସୀ । ଆନ୍ଧ୍ରର ଚିନ୍ତୁରରେ ଓଡ଼ିଶା, ଛତିଶଗଡ଼, ଆନ୍ଧ୍ରପ୍ରଦେଶ, ଓ ତେଲଙ୍ଗାନା ରାଜ୍ୟର ଅଖିଳ ଭାରତ ଆଦିବାସୀ ମହାସଂଘ ପକ୍ଷରୁ ବିରାଟ ଜନ ସମାବେଶ ହୋଇଛି । ସମାବେଶରେ ଯୋଗଦେଇ ପୋଲାଭରମ ପ୍ରକଳ୍ପକୁ ବିରୋଧ କରିଛନ୍ତି ୪ ରାଜ୍ୟର ଆଦିବାସୀ ।
ପୂର୍ବ ଡିଜାଇନ୍ ଅନୁଯାୟୀ ପୋଲାଭରମ ଡ୍ୟାମ ନିର୍ମାଣ ହେଲେ ୪ ରାଜ୍ୟର ଶତାଧିକ ଗାଁ ଜଳମଗ୍ନ ହେବ । ବୁଡ଼ିଯିବ ହେକ୍ଟର ହେକ୍ଟର ଚାଷ ଜମି । ମାଲକାନଗିରି ସହ ପଡ଼ୋଶୀ ଛତିଶଗଡ଼ ସୁକମ ଜିଲ୍ଲାର ସବୁଜ ବନାନୀ ମଧ୍ୟ ଲୋପ ପାଇଯିବ । ଉଭୟ ରାଜ୍ୟର କୋୟା ଆଦିବାସୀ ଭିଟା ମାଟି ହରାଇବେ ବୋଲି ଅଭିଯୋଗ କରିବା ସହ ପ୍ରକଳ୍ପକୁ ବିରୋଧ କରିଛନ୍ତି ।
