ପୁଣି ଏକ ମାଲବାହୀ ଟ୍ରେନ୍ ଲାଇନ୍ ଚ୍ୟୁତ…
ରାଉରକେଲା: ପୁଣି ଏକ ମାଲ୍ବାହୀ ଟ୍ରେନ୍ ଲାଇନ୍ ଚ୍ୟୁତ । ରାଜଗାଙ୍ଗପୁର ଫାଟକ ନିକଟରେ ଏଭଳି ଘଟଣା ଘଟିଥିବା ଖବର ସାମ୍ନାକୁ ଆସିଛି । ମାଲବାହୀ ଟ୍ରେନର ଦୁଇଟି ବଗି ଲାଇନତ୍ୟୁତ ହୋଇଯାଇଛି । ତେବେ ବଗିଗୁଡ଼ିକ ଲାଇନତ୍ୟୁତ ହେବାର କାରଣ ଏଯାଏଁ ଅସ୍ପଷ୍ଟ ରହିଛି । ଖବରପାଇ ରେଳ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ମରାମତି କାର୍ଯ୍ୟ ଆରମ୍ଭ କରିଛନ୍ତି ।
ତେବେ ଏହି ଘଟଣା କାହିଁକି ଘଟିଲା ସେନେଇ ରେଲୱେ ପୋଲିସ ଓ ରେଳ ବିଭାଗ ପକ୍ଷରୁ ତଦନ୍ତ ଆରମ୍ଭ କରାଯାଇଛି । ଏହି ଘଟଣା ପାଇଁ ଯଦି କେହି ଦାୟୀ ରୁହନ୍ତି ତେବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ମିଳିଛି ।
ରାଜ୍ୟରେ ଏଭଳି ଘଟଣା ନୂଆ ନୁୁହେଁ । ଏହା ପୂର୍ବରୁ ମଧ୍ୟ ଅନେକ ଥର ଏଭଳି ଘଟଣା ସାମ୍ନାକୁ ଆସିଛି । ରେଳ ବିଭାଗ ପକ୍ଷରୁ ଏନେଇ ତାଗିଦ୍ କରାଯିବା ପରେ ମଧ୍ୟ ବାରମ୍ବାର ଏଭଳି ଘଟଣା ସାମ୍ନାକୁ ଆସୁଛି । ତେବେ ଏଭଳି ଘଟଣା ଧନ ଜୀବନ ପ୍ରତି ବଡ଼ ବିପଦ ସୃଷ୍ଟି କରିପାରେ । ଏହାକୁ ସହଜରେ ଏଡ଼ାଇ ଦେବା ଉଚିତ୍ ନୁହେଁ । ରେଳ ବିଭାଗର କର୍ମଚାରୀଙ୍କ ଅବହେଳା ଯୋଗୁଁ ଏଭଳି ଘଟଣା ଘଟୁଛି ବୋଲି କୁହାଯାଉଛି ।
ତେବେ କେବଳ ମାଲବାହୀ ଟ୍ରେନ୍ ନୁହେଁ, ଯାତ୍ରୀବାହି ଟ୍ରେନ୍ରେ ମଧ୍ୟ ଏଭଳି ଘଟିଥିବା ପୂର୍ବରୁ ନଜିର ରହିଛି । ଯାତ୍ରୀଙ୍କୁ ନେଇ ଟ୍ରେନ୍ ଯାଉଥିବା ବେଳେ ଅନେକ ସମୟରେ ଲାଇନ୍ଚ୍ୟୁତ ହୋଇଛି । ଏଥିରେ ଅନେକ ଧନ ଜୀବନ ମଧ୍ୟ ହାନୀ ହୋଇଛି । ଏଭଳି ଘଟଣା ଅତ୍ୟନ୍ତ ସମ୍ବେଦନଶୀଳ ବୋଲି ବିଭିନ୍ନ ମହଲରେ ଆଲୋଚନା ହେଉଛି ।
