ରାଷ୍ଟ୍ରପତିଙ୍କ ଗସ୍ତରେ ଏଥର କଟିବନି ବିଜୁଳି, ବିଦ୍ୟୁତ ଯୋଗାଣ ଦିଗରେ ନଜର ରଖିଛି TPCODL

କଟକ: ରାଷ୍ଟ୍ରପତିଙ୍କ ଗସ୍ତରେ ଏଥର କଟିବନି ବିଜୁଳି । ଓଡ଼ିଶା ଗସ୍ତରେ ରାଷ୍ଟ୍ରପତି ଆସୁଥିବାରୁ TPCODL ପକ୍ଷରୁ ବ୍ୟାପକ ବନ୍ଦୋବସ୍ତ କରଯାଇଛି । ବିଦ୍ୟୁତ ଯୋଗାଣ ଦିଗରେ ନଜର ରଖାଯାଇଛି । ଏନେଇ ସୂଚନା ଦେଇଛନ୍ତି ବିଭାଗୀୟ CEO ଅରବିନ୍ଦ ସିଂ । ପୂର୍ବରୁ ରାଷ୍ଟ୍ରପତିଙ୍କ ବାରିପଦା ଗସ୍ତ ସମୟରେ ବିଜୁଳି ସରବରାହ ଠପ ହୋଇଥିଲା । ଅନ୍ଧାରରେ ଅଭିଭାଷଣ ରଖିଥିଲେ ରାଷ୍ଟ୍ରପତି । ଏହି ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଥିଲା । ଏବେ ପୁଣି ରାଷ୍ଟ୍ରପତି ଓଡ଼ିଶା ଗସ୍ତରେ ଆସୁଛନ୍ତି । ତେବେ ଏହି ସମୟରେ ଯେପରି ବିଦ୍ୟୁତ କାଟ ନହୁଏ, ସେନେଇ ଯତ୍ନବାନ ରହିଛି ବିଭାଗ । ଏମିତକି କୌଣସି ପ୍ରକାର ବିଦ୍ୟୁତ ଯୋଗାଣରେ ଯେପରି ସମସ୍ୟା ନହୁଏ, ସେଥିପ୍ରତି ଧ୍ୟାନ ଦିଆଯାଇଛି ବୋଲି କହିଛନ୍ତି ଟାଟା ପାଓ୍ବାର ସିଇଓ ।