ନିଶା ଛଡ଼ାଇବାର ନୂଆ ତରିକା, ଦିବ୍ୟାଙ୍ଗ ଯୁବକଙ୍କୁ ପାଇପରେ ପିଟିଲେ, ପାଦ ଚଟାଇଲେ

ବାରିପଦା: ନିଶା ନିବାରଣ କେନ୍ଦ୍ରରେ ଅମାନୁଷିକ କାର୍ଯ୍ୟ । ନିଶା ନିବାରଣ କେନ୍ଦ୍ରରେ ନିଶା ଛଡ଼ାଇବାର ନୂଆ ତରିକା । ନିଶା ଛଡ଼ାଇବା ନାଁରେ ଜଣେ ଦିବ୍ୟାଙ୍ଗ ଯୁବକଙ୍କୁ ଅମାନୁଷିକ ଭାବରେ ପାଇପରେ ମାଡ଼ ମାରିବା ସହିତ ପାଦ ଚାଟିବାକୁ ବାଧ୍ୟ କରାଯାଉଛି । ଏଭଳି ଅମାନବୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ବାରିପଦାର ପ୍ରତିଜ୍ଞା ନିଶା ନିବାରଣ କେନ୍ଦ୍ରରେ । ସେହି ନିଶା ନିବାରଣ କେନ୍ଦ୍ରର ମାଲିକ ଅବନି ପତି ଓ ସେ କେନ୍ଦ୍ରର ପରିଚାଳକ କାଳିଆ ରାଉଳ ନିଶା ଛଡ଼ାଇବା ନାଁରେ ଜଣେ ଦିବ୍ୟାଙ୍ଗ ଯୁବକଙ୍କୁ ମାଡ଼ ମାରୁଥିବାର ଦେଖିବାକୁ ମିଳିଛି । କେବଳ ମାଡ଼ ନୁହେଁ ସହଯୋଗୀଙ୍କ ପାଦ ଚଟାଉଥିବାର ଭିଡିଓ ଏବେ ଭାଇରାଲ ହେବାର ଲାଗିଛି । ପୂର୍ବରୁ ଏହି କେନ୍ଦ୍ର ନାମରେ ସଙ୍ଗୀନ ଅଭିଯୋଗ ହୋଇଥିବା ବେଳେ ମାଲିକଙ୍କ ନାମରେ ପୂର୍ବରୁ ହତ୍ୟା ମାମଲା ମଧ୍ୟ କୋର୍ଟରେ ଚାଲୁ ରହିଛି । ମାଲିକଙ୍କ ଅତ୍ୟାଚାରରେ ଅତିଷ୍ଠ ହୋଇ ଗତ ବର୍ଷ ଜାନୁୟାରୀ ମାସରେ ନିଶା ନିବାରଣ କେନ୍ଦ୍ରରୁ ଫେରାର ହେଇଥିଲେ ୪୯ ଅନ୍ତେବାସୀ।