ପୁରୀ ବେଳାଭୂମିରେ ଅଘଟଣ, ଗାଧୋଉଥିବା ବେଳେ ପର୍ଯ୍ୟଟକ ନିଖୋଜ

ପୁରୀ: ପୁରୀ ବେଳାଭୂମିରେ ଅଘଟଣ । ସମୁଦ୍ରରେ ସ୍ନାନ ବେଳେ ଭଗୀର ସମୁଦ୍ର ମଧ୍ୟକୁ ଭାସିଗଲେ ପର୍ଯ୍ୟଟକ । ନିଖୋଜ ପର୍ଯ୍ୟଟକ ହେଉଛନ୍ତି ପଶ୍ଚିମବଙ୍ଗ ଚବିଶ ପ୍ରଗଣା ଦୁର୍ଗାନଗରର ଉଜ୍ଜଳ ଦାସ । ସୂଚନା ଅନୁସାରେ ଆଜି ଉଜ୍ଜଳ ହୋଟେଲ କ୍ୟାମେଲିଆ ସମ୍ମୁଖ ବେଳାଭୂମିରେ ସ୍ନାନ ସମୟରେ ଭାସି ଯାଇଥିଲେ । ତେବେ ସେଠାରେ ଥିବା ଲାଇଫ ଗାର୍ଡ ଗଭୀର ସମୁଦ୍ର ମଧ୍ୟକୁ ଯାଇ ଖୋଜାଖୋଜି କରୁଛନ୍ତି । କିନ୍ତୁ ଏପର୍ଯ୍ୟନ୍ତ ନିଖୋଜ ପର୍ଯ୍ୟଟକଙ୍କ କୌଣସି ପତ୍ତା ମିଳିପାରିନାହିଁ ।