ଆକାଶ ଛୁଆଁ ପରିବା ଦର, ୧୦୦ ଟପିଲା ଟମାଟୋ
କଟକ: ବଢ଼ୁଛି ଟମାଟୋର ଭାଉ । କାର୍ତ୍ତିକ ସରି ମାର୍ଗଶିର ପଶିଲାଣି କିନ୍ତୁ ପରିବା ଦର ଥମିବାର ନାଁ ନେଉନି । ପ୍ରାୟ ପରିବାର ହୋଲସେଲ ଦର ୭୦ରୁ ୮୦ ଟଙ୍କା ରହିଛି । ଖୁଚୁରା ବଜାରରେ ଟମାଟୋର କେଜି ପିଛା ମୂଲ୍ୟ ଶହେ ଟଙ୍କା ଟପିଛି । ଓଡ଼ିଶାରେ ଏବେ ଟମାଟୋ ଉତ୍ପାଦନ କମ୍ ରହିଛି । ଫଳରେ ବାହାର ରାଜ୍ୟରୁ ଆସୁଛି ଟମାଟୋ । ଏନେଇ ଚଢା ଦରରେ ପରିବା ବିକ୍ରି କରିବାକୁ ବାଧ୍ୟ ହେଉଥିବା କହିଛନ୍ତି ବ୍ୟବସାୟୀ ।
କେବଳ ଟମାଟୋ ନୁହଁ ସବୁ ପରିବା ଦର ଆକାଶ ଛୁଆଁ ରହିଛି ରାଜ୍ୟରେ । ପ୍ରତିଟି ପରିବା ଦରେ ଏବେ ୭୦ ଟଙ୍କା ଉପରେ ରହିଛି । ବଜାରରେ ଟମାଟୋ କିଲୋ ପିଛା ୧୦୦ ଟଙ୍କା ଥିବା ବେଳେ ଫୁଲକୋବି, ବାଇଗଣ, ଭେଣ୍ଡି, ଲଙ୍କା, ଝୁଡଙ୍ଗ ଭଳି ପରିବା ଦର ୫୦ରୁ ୬୦ ଟଙ୍କା ରହିଛି ।
