ଆଜି ଭାରତ-ଜିମ୍ବାୱେ ଶେଷ ଦିନିକିଆ ମ୍ୟାଚ୍: ସମ୍ମାନ ରକ୍ଷା ପାଇଁ ଲଢ଼ିବ ଜିମ୍ବାୱେ

1 min read

ହରାରେ: ଆଜି ଭାରତ-ଜିମ୍ବାଓ୍ବେ ତୃତୀୟ ତଥା ଶେଷ ଦିନିକିଆ । ଦିନ ୧୨ଟା ୪୫ରୁ ହରାରେ ସ୍ପୋଟ୍‌ର୍ସ କ୍ଲବରେ ହେବ ମୁକାବିଲା । କେଏଲ ରାହୁଲଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇବ ଟିମ୍ ଇଣ୍ଡିଆ । ୩ ମ୍ୟାଚ ବିଶିଷ୍ଟ ସିରିଜର ଦୁଇଟି ମ୍ୟାଚ ଜିତିସାରିଛି ଭାରତ । ଏହା ସହିତ ସିରିଜକୁ ଅକ୍ତିଆର କରିଛି ମେନ୍ ଇନ୍ ବ୍ଲୁ ।

ପ୍ରଥମ ଦିନିକିଆକୁ ୧୦ଓ୍ବିକେଟରେ ଜିତିଥିବାବେଳେ ଦ୍ବିତୀୟ ଦିନିକିଆକୁ ୫ ଓ୍ବିକେଟ୍ରେ ଜିତିଛି ଭ୍ରମଣକାରୀ ଦଳ । ଶେଷ ଦିନିକିଆ ଜିତି ସିରିଜ କ୍ଲିନ ସୁଇପ କରିବା ଲକ୍ଷ୍ୟରେ ରହିଛି ଭାରତ । ଏପଟେ ମ୍ୟାଚ ଜିତି ସମ୍ମାନ ରକ୍ଷା ପାଇଁ ଉଦ୍ୟମ କରିବ ଜିମ୍ବାଓ୍ବେ । ସୂଚନାଯୋଗ୍ୟ ଭାରତ ଜିମ୍ବେୱେ ବିରୋଧରେ ୯ ବର୍ଷ ହେବ କୌଣସି ଦିନିକିଆ ହାରିନାହିଁ । ଆଜି ଯଦି ଭାରତ ବିଜୟୀ ହୁଏ ତେବେ ରେକର୍ଡ ଜାରି ରହିବ ।