ବିରାଟଙ୍କ ପରେ ଏହି ୩ ଖେଳାଳି ହୋଇପାରନ୍ତି ଭାରତୀୟ ଦଳର ଅଧିନାୟକ

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଦଳରେ ବହୁ ଦକ୍ଷ ଖେଳାଳି ରହିଛନ୍ତି । ଟିମ୍ ଇଣ୍ଡିଆରେ ସ୍ଥାନ ପାଇବା ପାଇଁ  ଯୁବ ଖେଳାଳି ଦିନରାତି ଏକ କରିଦେଉଛନ୍ତି । ଆଉ ଏହି ଯୁବ ଖେଳାଳିମାନଙ୍କୁ ଦକ୍ଷ କରିବାରେ ଉଭୟ କୋଚ୍ ଏବଂ ଅଧିନାୟକଙ୍କ ବଡ଼ ଯୋଗଦାନ ରହିଛି । ଟିମ୍ ଇଣ୍ଡିଆରେ ଅନେକ ଯୁବ ଖେଳାଳି ଅଛନ୍ତି, ଯେଉଁମାନେ ଭଲ ପ୍ରଦର୍ଶନ କରୁଛନ୍ତି । ସେମାନଙ୍କ ମଧ୍ୟରେ ଏପରି ତିନିଜଣ ଯୁବ ଖେଳାଳି ଅଛନ୍ତି ଯେଉଁମାନେ ପରେ ଭାରତୀୟ ଦଳର ନେତୃତ୍ୱ ନେଇବାକୁ ପୂରା ସକ୍ଷମ ଅଛନ୍ତି । ଚାଲନ୍ତୁ ଏହି ତିନୋଟି ଖେଳାଳିଙ୍କ ବିଷୟରେ ଜାଣିବା…

ଶ୍ରେୟସ୍ ଆୟର

୧୦ ଡିସେମ୍ବର ୧୦୧୭ରେ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିବା ୨୬ ବର୍ଷୀୟ ଶ୍ରେୟସ୍ ଆୟର ଭାରତୀୟ ଦଳର ଦାୟିତ୍ୱ ଗ୍ରହଣ କରିପାରିନ୍ତି । ତାଙ୍କ ଅଧିନାୟକ ହେବାର ପୂର୍ଣ୍ଣ ସାମର୍ଥ୍ୟ ରହିଛି । ଗତ କିଛି ବର୍ଷ ଧରି ସେ ଆଇପିଏଲରେ ଦିଲ୍ଲୀ ଦଳର ଅଧିନାୟକ ଭାବେ ଖେଳି ଆସୁଛନ୍ତି । ଗତ ସିଜନରେ ଆଇୟରଙ୍କ ଅଧିନାୟକତ୍ୱରେ ଦିଲ୍ଲୀ ଆଇପିଏଲର ଫାଇନାଲରେ ପହଞ୍ଚିବାରେ ସକ୍ଷମ ହୋଇଥିଲା । ତେବେ ଟାଇଟଲ୍ ମ୍ୟାଚରେ ମୁମ୍ବାଇ ବିପକ୍ଷରେ ଦିଲ୍ଲୀ ପରାଜୟର ସମ୍ମୁଖୀନ ହୋଇଥିଲା । ଆୟର ବର୍ତ୍ତମାନ ପର୍ଯ୍ୟନ୍ତ ଭାରତ ପାଇଁ ୨୧ଟି ଦିନିକିଆ, ୨୪ ଟି-20 ଅନ୍ତର୍ଜାତୀୟ ଖେଳିଛନ୍ତି । ଏହାସହ ସେ ଆଇପିଏଲରେ ୭୯ଟି ମ୍ୟାଚରେ ଯୋଗଦାନ ଦେଇଛନ୍ତି ।

କେ.ଏଲ୍ ରାହୁଲ

ଆଇପିଏଲରେ କିଙ୍ଗସ ଇଲେଭେନ ପଞ୍ଜାବର ଅଧିନାୟକ କେ.ଏଲ୍ ରାହୁଲ, ବହୁତ ଭଲ ପ୍ରଦର୍ଶନ କରିଛନ୍ତି । ସେ ପଞ୍ଜାବର ଶ୍ରେଷ୍ଠ ଅଧିନାୟକ ହୋଇଛନ୍ତି । ଭବିଷ୍ୟତରେ ଯଦି ଟିମ୍ ଇଣ୍ଡିଆ ପାଇଁ ଜଣେ ଅଧିନାୟକ ରହିବେ, ତେବେ କେ.ଏଲ୍ ରାହୁଲଙ୍କ ନାମ ମଧ୍ୟ ଆସିପାରେ । ରାହୁଲ ଏପର୍ଯ୍ୟନ୍ତ ଭାରତ ପାଇଁ ୩୬ ଟି ଟେଷ୍ଟ, ୩୫ ଦିନିକିଆ, ୪୫ଟି ଟି-20 ଅନ୍ତର୍ଜାତୀୟ ଖେଳିଛନ୍ତି। ଏହାସହ ଆଇପିଏଲରେ ୮୧ଟି ମ୍ୟାଚ୍ ଖେଳାଯାଇଛି। 

ହାର୍ଦ୍ଦିକ ପାଣ୍ଡ୍ୟା

ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଯଦିଓ ଏପର୍ଯ୍ୟନ୍ତ ସୁଦ୍ଧା ଆଇପିଏଲ୍ କିମ୍ବା ଅନ୍ୟ କୌଣସି ଫର୍ମାଟରେ ଅଧିନାୟକ ହୋଇ ନାହାଁନ୍ତି, ତାଥାପି ତାଙ୍କ ଦକ୍ଷତା ଉପରେ କୌଣସି ସନ୍ଦେହ ନାହିଁ । ଯେକୌଣସି ସମୟରେ ମ୍ୟାଚକୁ ପଲଟାଇଦେବାର ସାମର୍ଥ୍ୟ ରଖନ୍ତି ପାଣ୍ଡ୍ୟା । ହାର୍ଦ୍ଦିକଙ୍କୁ ଜଣେ ଅଧିନାୟକ ହେବାରେ ସାମର୍ଥ୍ୟ ବହନ କରନ୍ତି । ତାଙ୍କୁ ମଧ୍ୟ ଅଧିନାୟକ ଭାବେ ଦେଖାଯାଇପାରେ । ଟିମ୍ ଇଣ୍ଡିଆ ପାଇଁ ହାର୍ଦ୍ଦିକ ଏପର୍ଯ୍ୟନ୍ତ ୧୧ଟି ଟେଷ୍ଟ, ୫୭ ଦିନିକିଆ, ୪୩ ଟି -20 ଅନ୍ତର୍ଜାତୀୟ ଖେଳିଛନ୍ତି । ଏଥି ସହିତ ସେ ଆଇପିଏଲରେ ୮୦ଟି ମ୍ୟାଚ୍ ଖେଳିଛନ୍ତି।