ବୌଦ୍ଧରେ ଚାଞ୍ଚଲ୍ୟ; ମହିଳାଙ୍କୁ ଗାଁ ଦାଣ୍ଡରେ ପନିକିରେ ଗୋଡ଼ାଇ ଗୋଡ଼ାଇ ହତ୍ୟା କଲା ଦଣ୍ଡୁଆ

ବୌଦ୍ଧ: ବୌଦ୍ଧ ଜିଲ୍ଲା ବାଉଁଶୁଣି ଥାନା ପଲସପାଟ ଗ୍ରାମରେ ଚାଞ୍ଚଲ୍ୟ । ମହିଳାଙ୍କୁ ଗାଁ ଦାଣ୍ଡରେ ପନିକିରେ ଗୋଡ଼ାଇ ଗୋଡ଼ାଇ ହତ୍ୟା କଲା ଦଣ୍ଡୁଆ । ମୃତକ ହେଲେ ପଲସପାଟ ଗ୍ରାମର ସୂର୍ଯ୍ୟକାନ୍ତି ପ୍ରଧାନ । ହତ୍ୟାକାରୀ କମ୍ପରା ଗ୍ରାମର ଉଗ୍ରସେନ ସେଠୀକୁ କାବୁ କରି ଉତ୍ତମ ମଧ୍ୟମ ଦେବା ସହ ପୋଲିସର ଜିମା ଦେଲେ ଗ୍ରାମବାସୀ । ବାଉଁଶୁଣି ଥାନା ତାଳସରଦା ପଞ୍ଚାୟତ ଅନ୍ତର୍ଗତ ପଲସପାଟ ଗ୍ରାମରେ ଶୁକ୍ରବାର ସନ୍ଧ୍ୟାରେ ଚାରିସମ୍ଭୁ ଦଣ୍ଡଯାତ୍ରା ଚାଲିଥିବା ବେଳେ ଉଗ୍ରସେନ ଗାଁ ଦାଣ୍ଡରେ ପନିକି ଧରି ଗୋଡାଇ ଗୋଡାଇ ହାଣିଥିଲା । ଘଟଣା ସ୍ଥଳରେ ମହିଳାଙ୍କ ମୃତ୍ୟୁ ହୋଇଥିଲା । ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବାବେଳେ ବାଉଁଶୁଣି ପୋଲିସ ତଦନ୍ତ ଆରମ୍ଭ କରିଛି ।