ଅସହ୍ୟ ତାତିରେ ଆଉଟୁ ପାଉଟୁ ଓଡ଼ିଶା, କାଲିଠୁ ଆହୁରି ବଢ଼ିବ ପାରଦ

ଭୁବନେଶ୍ୱର: ଅସହ୍ୟ ତାତିରେ ଆଉଟୁ ପାଉଟୁ ହେଉଛି ଓଡ଼ିଶା । କାଲିଠୁ ଆହୁରି ବଢ଼ିବ ପାରଦ । କାଳ ବୈଶାଖୀ ବର୍ଷା ଫଳରେ ଦୁଇ ଦିନ ସାମାନ୍ୟ ତାତି କମିଥିବାବେଳେ ଆସନ୍ତାକାଲିଠାରୁ ପୁଣି ବଢ଼ିବ ପାରା । ଆଭ୍ୟନ୍ତରୀଣ ଓଡ଼ିଶାରେ ସ୍ବାଭାବିକଠାରୁ ଅଧିକ ରହିବ ତାପମାତ୍ରା । ରାଜ୍ୟର କିଛି ସ୍ଥାନରେ ୪୦ ଡିଗ୍ରୀ କିମ୍ବା ୪୦ ଡିଗ୍ରୀ ଉପର ରହିବ ତାପମାତ୍ରା । ଦିନରେ ଅତ୍ୟଧିକ ଗରମ ଓ ସଂଧ୍ୟାରେ କାଳ ବୈଶାଖୀ ବର୍ଷା ଲୋକଙ୍କୁ ପାଇଁ କାଳ ସାଜୁଛି ।

ଆସନ୍ତା ୨୪ ଘଣ୍ଟା ମଧ୍ୟରେ ୯ ଟି ଜିଲ୍ଲା ମାଲକାନଗିରି, କୋରାପୁଟ, ରାୟଗଡ଼ା, ଗଜପତି, ଗଞ୍ଜାମ, କେନ୍ଦୁଝର, ମୟୂରଭଞ୍ଜ, ବାଲଶ୍ବର ଓ ଭଦ୍ରକରେ କାଳ ବୈଶାଖୀ ବର୍ଷା ସମ୍ଭାବନା ରହିଛି । ଏଥିପାଇଁ ୯ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ଗୋଟିଏ କିମ୍ବା ୨ଟି ସ୍ଥାନରେ କୁଆପଥର ବର୍ଷା ସହ ଘଡଘଡି ଜନିତ ବର୍ଷା ହେବା ନେଇ ଆଶଙ୍କା କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଉପକୂଳ ଓଡ଼ିଶାର କେତେକ ସ୍ଥାନରେ ମଧ୍ୟ କାଳବୈଶାଖୀ ଜନିତ ବର୍ଷା ସମ୍ଭାବନା ରହିଛି ।