ରାସ୍ତା କଡରେ ପଡି ରହିଛି ଅଚିହ୍ନା ମହିଳାଙ୍କ ମୃତ ଦେହ; ହତ୍ୟା ସନ୍ଦେହ

ପୁରୀ: ରାସ୍ତା କଡରେ ପଡି ରହିଛି ଅଚିହ୍ନା ମହିଳାଙ୍କ ମୃତ ଦେହ । କୋଣାର୍କ ଥାନା ଅନ୍ତର୍ଗତ ବନାଖଣ୍ଡି ରାସ୍ତା ପାର୍ଶ୍ୱରେ ଅଚିହ୍ନା ମହିଳାଙ୍କ ମୃତ ଦେହ ଠାବ ହୋଇଛି । ମହିଳାଙ୍କୁ ହତ୍ୟା କରି ରାସ୍ତା କଡରେ କେହି ଫୋପାଡ଼ି ଦେଇଥିବା ସନ୍ଦେହ କରାଯାଇଛି । ମୃତ ଦେହ ନିକଟରେ ସ୍ଥାନୀୟ ଲୋକଙ୍କ ଭିଡ଼ ଲାଗିରହିଛି ।

ଗତକାଲି ବିଳମ୍ବିତ ରାତିରେ କିଛି ଦୁର୍ବୃତ୍ତ ମହିଳାଙ୍କୁ ହତ୍ୟା କରି ଫୋପାଡ଼ି ଦେଇ ପଳାଇଥିବା ବେଳେ ବର୍ଷା ଯୋଗୁଁ ମହିଳାଙ୍କ ମୁହଁ ଶେତା ପଡିଯାଇଛି । କୋଣାର୍କ ପୋଲିସ ମୃତଦେହ ଜବତ କରିଛି। ସାଇଣ୍ଟିଫିକ୍ ଟିମ ପହଞ୍ଚିବା ପରେ ଘଟଣାର ଛାନବିନ କରାଯିବ।