ଜେସିବିରେ ଏଣ୍ଟ୍ରି କଲେ ବର-କନ୍ୟା, ଆଉ ତା’ ପରେ…

ବାହାଘର ପାଇଁ ଲୋକେ କେତେ କ’ଣ ଟ୍ରେଣ୍ଡ ଫଲୋ କରନ୍ତି । ସବୁ କପଲ୍ ନିଜ ବାହାଘରକୁ ଅନ୍ୟଠୁ ଭିନ୍ନ ଢଙ୍ଗରେ କରିବାକୁ ଇଚ୍ଛା ରଖିଥାନ୍ତି । ଏଭଳି ଏକ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗୁଛି । ନିଜ ବିବାହ ଉତ୍ସବରେ ୟୁନିକ ଷ୍ଟାଇଲରେ ଏଣ୍ଟ୍ରି କଲେ ବର-କନ୍ୟା । ଦୁଇ ଚକିଆ କି ଚାରି ଚକିଆ ନୁହଁ ଜେସିବିରେ ହେଲା ବର-କନ୍ୟାଙ୍କ ଏଣ୍ଟ୍ରି ।  ନିଜ ବିବାହକୁ ଏକ ସ୍ମରଣୀୟ ଦିନ କରିବାକୁ ଏଭଳି ୟୁନିକ୍ ଷ୍ଟାଇଲରେ ଏଣ୍ଟ୍ରି କରିବାକୁ ଉଭୟେ ଇଚ୍ଛା ରଖିଥିଲେ । ଉଭୟଙ୍କ ଏହି ଆଶା ପୂରଣ ହୋଇଥିଲା ସତ ମାତ୍ର ଏହା ସେତେବେଳେ ଭାଇରାଲ ହେଲା ଯେତେବେଳେ ଉଭୟେ କପଲ୍ ଜେସିବିରେ ବସିଥିବା ବେଳେ ତଳକୁ ଖସିପଡ଼ିଥିଲେ ।

https://twitter.com/BULL9313/status/1465364507782381571?s=20

ବିବାହରେ ଆସିଥିବା ସମସ୍ତ ଅତିଥି ବର-କନ୍ୟାଙ୍କୁ ପ୍ରତିକ୍ଷା କରିଥିବା ବେଳେ ଉଭୟେ ଜେସିବିରେ ଆସିଥିଲେ । ବର କୋର୍ଟ, ପ୍ୟାଣ୍ଟ ପିନ୍ଧିଥିବା ବେଳେ କନ୍ୟା ଧଳା ରଙ୍ଗର ପୋଷାକ ପିନ୍ଧିଥିବା ଦେଖାଯାଉଛି । ଠିକ୍ ଏତିକିବେଳେ ଜେସିବିରୁ ଉଭୟ ଖସିପଡ଼ୁଥିବା ଦେଖାଯାଉଛି । ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗୁଛି । ଏଠାରେ ଉପସ୍ଥିତ ଥିବା ଅତିଥିଗଣ ଆଶ୍ଚର୍ଯ୍ୟ ହେଉଥିବା ବେଳେ ଟ୍ୱିଟରରେ ଭିଡିଓଟିକୁ ଥଟ୍ଟା କରୁଥିବାର ଦେଖାଯାଇଛି । ଭିଡିଓଟି କେଉଁ ସ୍ଥାନର ତାହା ଏଯାଏ ଜଣାପଡ଼ିନାହିଁ, ମାତ୍ର ଏହା ବାହାର ଦେଶର ବୋଲି ଭିଡିଓରୁ ଜଣାପଡ଼ୁଛି ।