ଜଙ୍ଗଲ ଛାଡ଼ି ଗାଁ ଭିତରେ ବୁଲି ବୁଲି ମା’କୁ ଖୋଜୁଛି ଛୁଆ ହାତୀ

ଢ଼େଙ୍କାନାଳ: ଗାଁ ମୁହାଁ ଗୋଠ ଛଡ଼ା ହାତୀ ଛୁଆ । ଜଙ୍ଗଲ ଛାଡ଼ି ଗାଁ ଭିତରେ ବୁଲି ବୁଲି ମା’କୁ ଖୋଜୁଛି ଦେଢ଼ ବର୍ଷର ହାତୀ ଛୁଆ । ଗାଁ ଭିତରେ କାହା ଗୁହାଳ ଭିତରେ ପଶି ଯାଉଛି ତ କାହା ଘର ଭିତରେ ପଶି ଯାଉଛି ଛୁଆ ହାତୀ । ଗୋଠ ଛଡ଼ା ହାତୀ ଛୁଆ ପାଇଁ ନାକେଦମ୍ ହେଲେଣି ଗ୍ରାମବାସୀ । ଏମିତି ଏକ ଦୃଶ୍ୟ ଦେଖିବାକୁ ମିଳିଛି ଢ଼େଙ୍କାନାଳ ସଦର ରେଞ୍ଜ ଭାପୁର ନୂଆ ସାହି ଅଞ୍ଚଳରେ । ଛୁଆ ହାତୀଟିର ବୟସ ଦେଢ଼ ବର୍ଷ ହେବ ବୋଲି ଅନୁମାନ କରାଯାଉଛି । ହାତୀଟି ଫେରିବାର ବାଟ ନ ପାଇ ଗାଁ ଭିତରେ ଖୋଜି ବୁଲୁଛି ତାର ପରିବାରକୁ । ଗାଁ ଭିତରେ ଛୁଆ ହାତୀ ପଶିବା ପରେ ଜଙ୍ଗଲ ବିଭାଗ କର୍ମଚାରୀ ପହଞ୍ଚି ହାତୀଟିକୁ ଜଙ୍ଗଲ ଆଡ଼କୁ ଘଉଡାଇବା ଉଦ୍ୟମ ଜାରି ରଖିଛି । କିନ୍ତୁ ହାତୀ ଛୁଆଟି ଜଙ୍ଗଲ ଭିତରକୁ ଯିବାକୁ ଯେପରି ଅମଙ୍ଗ। ଏପରି ସ୍ଥିତିରେ ବନବିଭାଗ ହାତୀ ଛୁଆ ଉପରେ ନଜର ରଖିଛି ।