ଜଳେଶ୍ବର ପାୱାରଗ୍ରୀଡ଼ରେ ଭୟାବହ ଅଗ୍ନିକାଣ୍ଡ ; ୧୮୦ଟି ଗାଁରେ ବିଦ୍ୟୁତ ସେବା ବ୍ୟାଘାତ

ଜଳେଶ୍ବର : ଜଳେଶ୍ବର ପାୱାରଗ୍ରୀଡ଼ରେ ଭୟାବହ ଅଗ୍ନିକାଣ୍ଡ । ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରୁଛି। ଜଳେଶ୍ଵର ପାୱାରଗ୍ରୀଡରେ ଅଚାନକ ଟ୍ରାନ୍ସଫର୍ମରରେ ନିଆଁ ଲାଗି ଯାଇଥିଲା। କିଛି କ୍ଷଣ ମଧ୍ୟରେ ହୁତୁହୁତୁ ହୋଇ ଟ୍ରାନ୍ସଫର୍ମରଟି ଜଳିବା ସହିତ ଭୟାବହ ଅଗ୍ନିକାଣ୍ଡରେ ପରିଣତ ହୋଇଥିଲା।

ବିଦ୍ୟୁତ୍ ବିଭାଗର କର୍ମଚାରୀ ମାନେ ନିଆଁକୁ ଆୟତ୍ତ କରିବା ପାଇଁ ଚେଷ୍ଠା କରିଥିଲେ ମଧ୍ୟ ଆୟତ୍ତ କରିପାରି ନଥିଲେ। ସର୍ଟ ସର୍କିଟ ପାଇଁ ଟ୍ରାନ୍ସଫର୍ମରରେ ନିଆଁ ଲାଗିଥିବା ସନ୍ଦେହ କରାଯାଉଛି । ପାୱାର ଗ୍ରୀଡ଼ରେ ନିଆଁ ଲାଗିଥିବାରୁ ଜଳେଶ୍ବର ସହର ସମେତ ୧୮୦ଟି ଗାଁରେ ବିଦ୍ୟୁତ ସେବା ବ୍ୟାଘାତ ଥିବା ସୂଚନା ମିଳିଛି।