ଥାନା ଆଗରେ ମୃତଦେହ ରଖି କ୍ଷତିପୂରଣ ଦାବି କଲେ ପିରବାର ଲୋକେ

ରାଉରକେଲା: ଥାନା ଆଗରେ ମୃତଦେହ ରଖି କ୍ଷତିପୂରଣ ସହ ଘଟଣାର ଉପଯୁକ୍ତ ତଦନ୍ତ ଦାବି । ରାଉରକେଲା ଝିରପାଣି ଥାନା ସମ୍ମୁଖରେ ଏନେଇ ଉତ୍ତେଜନା ଦେଖାଦେଇଛି । ଗତ ୨୩ ତାରିଖରେ ଗଣ୍ଡଗୋଳରେ ଗୁରୁତର ଭାବେ ଆହତ ହୋଇଥିଲେ ସେକ୍ଟର ୨୦ ବସ୍ତିର ମୁନା ମଲିକ । ତାଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଥିଲା  । ହେଲେ ସେଠାରେ ତାଙ୍କର ମୃତ୍ୟୁ ହୋଇଥିଲା ।

ତେବେ ମୁନାଙ୍କୁ ପିଟିପିଟି ହତ୍ୟା କରାଯାଇଥିବା ପରିବାର ଲୋକ  ଅଭିଯୋଗ କରିଛନ୍ତି  । ଏହାସହ ଘଟଣାର ସଠିକ ଭାବେ  ତଦନ୍ତ କରିବା ପାଇଁ ଦାବି ହୋଇଛି । ଏହାସହ ମୃତକଙ୍କ ପରିବାରକୁ ଆର୍ଥିକ କ୍ଷତିପୂରଣ ପ୍ରଦାନ କରିଵା ପାଇଁ ଦାବି କରି ଥାନା ଆଗରେ ଆନ୍ଦୋଳନ ଆରମ୍ଭ କରିଛନ୍ତି ପରିବାର ଲୋକ । ଝିରପାଣି ଥାନା ପରିସରରେ ଉତ୍ତେଜନା ପ୍ରକାଶ ପାଇଥିବାରୁ ବରିଷ୍ଠ ପୋଲିସ ଅଫିସରଙ୍କ ସହ ପୋଲିସ ଫୋର୍ସ ମୁତୟନ କରାଯାଇଛି । ଦାବି ପୂରଣ ନ ହେବା ପର୍ଯ୍ୟନ୍ତ ମୃତଦେହ ରଖି ଆନ୍ଦୋଳନ କରାଯିବ ବୋଲି ଆନ୍ଦୋଳନକାରୀ କହିଛନ୍ତି ।