ଜବରଦଖଲ ଉଚ୍ଛେଦକୁ ନେଇ ଉତ୍ତେଜନା, ପୋଲିସର ଲାଠି ଚାଳନା

ବ୍ରହ୍ମପୁର: ବ୍ରହ୍ମପୁର ଡିପ ସାହିରେ ଉତ୍ତେଜନା । ଲାଞ୍ଜିପଲ୍ଲୀ ଡିପ ସାହି ସ୍ଥିତ ଗୌଡ଼ବନ୍ଦ ହରିଜନ ସାହିଠାରେ ବିଏମସି ପକ୍ଷରୁ ଜବରଦଖଲ ବେଳେ ଉତ୍ତେଜନା ଦେଖାଦେଇଛି । ଉତ୍ତ୍ୟକ୍ତ ଲୋକଙ୍କ ପଥର ମାଡ଼ରେ ଜେସିବି ଗାଡ଼ି ଡ୍ରାଇଭରଙ୍କ ସମେତ କାନ୍ଥ ପଡ଼ି ଜଣେ ମହିଳା ଆହାତ ହୋଇଛନ୍ତି । ମହାନଗର ନିଗମ ପକ୍ଷରୁ ଉଚ୍ଛେଦ କରାଯାଉଥିବା ବେଳେ ବସ୍ତି ବାସିନ୍ଦା ପୋଲିସ ଓ ମହାନଗର ନିଗମ କର୍ମଚାରୀଙ୍କ ଉପରକୁ ଢେଲାମାଡ଼ କରିଥିଲେ । ଫଳରେ JCB ର କାଚ ଭାଙ୍ଗିବା ସହ ଡ୍ରାଇଭରର ମୁଣ୍ଡ ଫାଟିଥିଲା ।

ଏପରକି କିଛି ପୋଲିସ କର୍ମଚାରୀ ମଧ୍ୟ ଆହାତ ହୋଇଥିଲେ । ଉତ୍ତେଜନାକୁ ଏଡ଼ାଇବା ପାଇଁ ପୋଲିସ ଲାଠି ଚାଳନା କରିଥିଲା । ଘଟଣାସ୍ଥଳରେ ପ୍ରଶାସନିକ ଅଧିକାରୀ ପହଞ୍ଚି ଲୋକଙ୍କୁ ବୁଝସୁଝା କରିବା ସହ ବିସ୍ଥାପିତ ଲୋକଙ୍କ ପାଇଁ ଆଶ୍ରୟ ଓ ରନ୍ଧାଖାଦ୍ୟର ବ୍ୟବସ୍ଥା କରିଛନ୍ତି ।

ସେପଟେ ଦୀର୍ଘଦିନ ଧରି ନିଜର ଅକ୍ତିଆରରେ ରଖିଥିବା ସରକାରଙ୍କ ରାଜୀବ ଆବାସ ଆପର୍ଟମେଣ୍ଟକୁ ସମାଜସେବୀ ପ୍ରମିଳା ତ୍ରିପାଠୀଙ୍କ ଠାରୁ ନିଜ ଅକ୍ତିଆରକୁ ନେଇଛି ବିଏମସି ।