ରାଷ୍ଟ୍ରପତି ସମ୍ମାନରେ ସମ୍ମାନିତ ହେବେ ରାଜ୍ୟର ୧୦ ଜଣ ସ୍ୱାଧୀନତା ସଂଗ୍ରାମୀ

ଭୁବନେଶ୍ୱର: ରାଜ୍ୟର ୧୦ ଜଣ ସ୍ୱାଧୀନତା ସଂଗ୍ରାମୀଙ୍କୁ ରାଷ୍ଟ୍ରପତି ସମ୍ମାନ । ସମସ୍ତ ସ୍ୱାଧୀନତା ସଂଗ୍ରାମୀ ଅଗଷ୍ଟ ୯ ତାରିଖରେ ସମ୍ମାନିତ ହେବେ । ହେଲେ କେହି ସଂଗ୍ରାମୀ ରାଷ୍ଟ୍ରପତି ଭବନ ଯିବେ ନାହିଁ । କୋଭିଡ୍ ପାଇଁ କାର୍ଯ୍ୟକ୍ରମରେ ପରିବତ୍ତର୍ନ କରାଯାଇଛି । ନିଜ ନିଜ ଜିଲ୍ଲାର ଜିଲ୍ଲାପାଳ ସଂଗ୍ରାମୀଙ୍କ ବାସଭବନକୁ ଯାଇ ସମ୍ମାନିତ କରିବେ ।

ରାଷ୍ଟ୍ରପତି ସମ୍ମାନ ପାଇଁ ପ୍ରକାଶ ପାଇଥିବା ତାଲିକାରେ ରହିଛନ୍ତି ଯାଜପୁର ବାଲିପଡ଼ିଆ ଗାଁର ନୀଳମଣି ସାମଲ, ଭଦ୍ରକ ଧୁଷୁରୀ ସୂର୍ଯ୍ୟପୁର ଗାଁର ରାମହରି ଗୋସ୍ୱାମୀ ଓ ଗୌରୀଶ୍ୟାମ ଗୋସ୍ୱାମୀ । ସେହିଭଳି ଅନ୍ୟମାନେ ହେଲେ ନୟାଗଡ଼ ରଣପୁର ମଝିଖଣ୍ଡର ଈଶ୍ୱର ବିଶୋୟୀ, ଭଦ୍ରକ ଧାମନଗର କମାରବନ୍ଧର ବ୍ରଜକିଶୋର ରାଉତ ସମ୍ମାନିତ ହେବେ ।

ଜଗତସିଂହପୁର ବାଲିକୁଦା ଭଗବାନ ସିନ୍ଧୋଳ ଗାଁର ବିଶ୍ୱନାଥ ଦାସ, ସମ୍ବଲପୁର ମୁରା କଲମୀ ଗାଁର ଦେବାନନ୍ଦ ଗୁପ୍ତା, ନୟାଗଡ଼ କଣ୍ଟିଲୋର ସହଦେବ ବେହେରା, କେନ୍ଦ୍ରାପଡ଼ା ହାଟବାଣପୁରର ମକରଧ୍ୱଜ ଦାସ, ଯାଜପୁର କାଇପଡ଼ାର ଦଧିଚି ସାହୁଙ୍କୁ ରାଷ୍ଟ୍ରପତି ସମ୍ମାନ ପ୍ରଦାନ କରାଯିବ ।