ରାଜ୍ୟରେ ଲଗାତାର ବଢ଼ିଚାଲିଛି ତାପମାତ୍ରା, ଲଗାତାର ୪୦ ଡିଗ୍ରୀ ଉପରେ ୮ସହର

ଭୁବନେଶ୍ୱର: ଖସିବାର ନାଁ ଧରୁନି ପାରଦ । ଲଗାତାର ବଢ଼ି ଚାଲିଛି ତାପମାତ୍ରା । ରାଜ୍ୟର ୮ ସହରରେ ୪୦ ଡିଗ୍ରୀ ଉପରେ ରହୁଛି ପାରଦ । ଏହା ସହିତ ଅନେକ ସହରର ତାପମାତ୍ରୀ ୪୦ ଡିଗ୍ରୀ ପାଖାପାଖି ରହୁଛି । ଅସହ୍ୟ ତାତିରେ ଆଉଟୁ ପାଉଟୁ ହେଉଛି ପଶ୍ଚିମ ଓଡ଼ିଶା । କ୍ରମାଗତ ଭାବେ ଟିଟିଲାଗଡ଼ରେ ପାଲଟିଛି ରାଜ୍ୟର ସବୁଠୁ ଉତ୍ତପ୍ତ ସହର । ଏଭଳି ଆସନ୍ତା ୨ ଦିନ ପର୍ଯ୍ୟନ୍ତ ଲାଗି ରହିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ରାଜ୍ୟରେ ତାପମାତ୍ରାରେ ଆଗକୁ ୨ରୁ ୩ ଡିଗ୍ରୀ ବୃଦ୍ଧି ପାଇବ । ଆଜି ଗ୍ରୀଷ୍ମ ପ୍ରବାହ ପାଇଁ ୫ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ବରଗଡ଼, ସୋନପୁର, ବୌଦ୍ଧ, ବଲାଙ୍ଗୀର ଓ କଳାହାଣ୍ଡିରେ ଅଧିକ ଖରା ହେବ । ତେବେ ୨ ଦିନ ପରେ ଆଭ୍ୟନ୍ତରୀଣ ଓଡ଼ିଶାରେ ତାପମାତ୍ରା ହ୍ରାସ ପାଇବ ବୋଲି ଆକଳନ କରିଛି ପାଣିପାଗ କେନ୍ଦ୍ର ।