ଘୁଞ୍ଚିଲା ସମାଜସେବୀ ତିସ୍ତା ସେତଲଭାଡଙ୍କ ଜାମିନ ଶୁଣାଣି

ନୂଆଦିଲ୍ଲୀ: ଘୁଞ୍ଚିଲା ସମାଜସେବୀ ତିସ୍ତା ସେତଲଭାଡଙ୍କ ଜାମିନ ଶୁଣାଣି । ଗୁଜରାଟ ସରକାର ଉତ୍ତର ଦାଖଲ ଲାଗି ଆଉ କିଛି ଦିନ ମାଗିବା ପରେ ସୁପ୍ରିମକୋର୍ଟ ଜାମିନ ଆବେଦନର ଶୁଣାଣି ଘୁଞ୍ଚାଇଛନ୍ତି । ୨୦୦୨ ଗୁଜରାଟ ଦଙ୍ଗା ମାମଲାରେ ସମାଜସେବୀ ତିସ୍ତାଙ୍କୁ ଗିରଫ କରାଯାଇଥିଲା । ଗୁଜରାଟ ସରକାରଙ୍କ ପକ୍ଷରୁ ଲଢୁଥିବା ସଲିସିଟର ଜେନେରାଲ ତୁଷାର ମେହେଟ୍ଟା ସମାଜସେବୀ ତିସ୍ତାଙ୍କ ଜାମିନ ଆବେଦନ ସମ୍ପର୍କରେ ଉତ୍ତର ରଖିବା ଲାଗି ଆଉ ୨ ଦିନ ସମୟ ମାଗିବା ପରେ ତିସ୍ତାଙ୍କ ଜାମିନ ଆବେଦନର ଶୁଣାଣି ଘୁଞ୍ଚାଇ ଦିଆଯାଇଛି ।

ମିଳିଥିବା ସୂଚନା ମୁତାବକ ଆସନ୍ତା ଅଗଷ୍ଟ ୩୦ ତାରିଖରେ ମାମଲାର ଶୁଣାଣି ହେବ । ପୂର୍ବରୁ ସେତଲଭାଡଙ୍କ ଜାମିନ ମାମଲାରେ ଗୁଜରାଟ ହାଇକୋର୍ଟ ରାଜ୍ୟ ସରକାରଙ୍କୁ ନୋଟିସ ଜାରି କରିଛନ୍ତି । ୨୦୦୨ ଗୁଜରାଟ ଦଙ୍ଗା ଘଟଣାରେ ନିରୀହ ଲୋକଙ୍କୁ ଫସାଇବା ଲାଗି ତିସ୍ତା ଉଦ୍ୟମ କରୁଥିବା ଅଭିଯୋଗରେ ଗତ ଜୁନରେ ତିସ୍ତାଙ୍କୁ ଗିରଫ କରିଥିଲା ଅହମ୍ମଦାବାଦ ପୋଲିସ । ତିସ୍ତା ବର୍ତ୍ତମାନ ସାବରମତୀ କେନ୍ଦ୍ରୀୟ ଜେଲରେ ଅଛନ୍ତି ।