ଭାରତୀୟ ଖେଳାଳିଙ୍କୁ ଆଣିବାକୁ ସ୍ବତନ୍ତ୍ର ବ୍ଯବସ୍ଥା କରୁଛି ବିସିସିଆଇ

ନୂଆଦିଲ୍ଲୀ : ବିଶ୍ୱବିଜୟୀ ଟିମ୍ ଇଣ୍ଡିଆ ସଦସ୍ୟଙ୍କ ବାଟ ଓଗାଳିଛି ସାମୁଦ୍ରିକ ଝଡ଼। ୱେଷ୍ଟଇଣ୍ଡିଜର ବାର୍ବାଡସରେ ଫସିଛନ୍ତି ଟିମ୍ ଇଣ୍ଡିଆର ଖେଳାଳି । ଘୂର୍ଣ୍ଣିଝଡ଼ ବରେଲି ପ୍ରଭାବରେ ଖେଳାଳିମାନେ ଫସିରହିଛନ୍ତି । ସେମାନଙ୍କୁ ଭାରତ ଆଣିବା ପାଇଁ ସ୍ବତନ୍ତ୍ର ବ୍ଯବସ୍ଥା କରିଛି ବିସିସିଆଇ । ଖେଳାଳିଙ୍କୁ ଆଣିବାକୁ ଆଜି ବାର୍ବାଡସ ଯିବ ସ୍ବତନ୍ତ୍ର ଚାର୍ଟାର୍ଡ୍ ଫ୍ଲାଇଟ୍ । ଫଳରେ ଆସନ୍ତାକାଲି ସନ୍ଧ୍ଯା ସୁଦ୍ଧା ଖେଳାଳିମାନେ ଫେରିପାରନ୍ତି ବୋଲି ଆଶା କରାଯାଉଛି ।

ସେପଟେ ଭାରତୀୟ ଖେଳାଳିଙ୍କୁ ସୁରକ୍ଷିତ ଭାବେ ଭାରତ ଆସିବା ପାଇଁ ସମସ୍ତ ବ୍ଯବସ୍ଥା କରାଯାଉଥିବା ବାର୍ବାଡସ ପ୍ରଧାନମନ୍ତ୍ରୀ କହିଛନ୍ତି । ଗତକାଲି ରାତି ୮ଟା୩୦ରେ ସେମାନଙ୍କ ଫ୍ଲାଇଟ୍ ଉଡ଼ାଣ ଭରିବ ବୋଲି ସ୍ଥିର ହୋଇଥିଲା। ମାତ୍ର ସାମୁଦ୍ରିକ ଝଡ଼ର ଉଗ୍ର ରୂପକୁ ଦେଖି ବିମାନସେବା ବାତିଲ ହୋଇଥିଲା । ଟିମ୍ ଇଣ୍ଡିଆ ସଦସ୍ୟ ‘ଦ ହିଲଟନ’ ହୋଟେଲରେ ରହୁଥିବା ବେଳେ ତାହା ସମୁଦ୍ର ନିକଟରେ ଅବସ୍ଥିତ। ଉଡ଼ାଣ ପାଇଁ ପାଗ ଅନୁକୁଳ ନ ଥିବାରୁ ବିଶ୍ୱବିଜୟୀ ଟିମ୍ ଭାରତ ଫେରିବାରେ ବିଳମ୍ବ ହେଉଛି ।