ପ୍ରଦୀପଙ୍କ ଦାବିରେ ଦମ୍ ନାହିଁ, ସତ କଣ କହିଲା Tata Motors
1 min read
ଭୁବନେଶ୍ୱର: ଖୋଲୁଛି ପାଠକ ପରିବାରର ଠକେଇର ଗୁମର । ଗିରଫ IFS ଅଧିକାରୀ ଅଭୟକାନ୍ତଙ୍କ ପୁଅ ଆକାଶ ବି ବାପାଙ୍କ ଭଲି ଲୋକଙ୍କୁ ଠକିବାରେ ମାହିର୍ ଥିଲେ । ଠକେଇ କାରନାମା ଜଣାପଡ଼ିବା ପରେ ବି ବିଳିବିଳାଉଛନ୍ତି ପ୍ରଦୀପ ପାଣିଗ୍ରାହୀ । ଗଣମାଧ୍ୟମକୁ ନାଲି ଆଖି ଦେଖାଇବା ସହ ପାଠକ ପରିବାର ଠକେଇ କରିଥିବା ନେଇ ଜଣାପଡ଼ିଲେ ରାଜ୍ୟ ଛାଡ଼ି ଚାଲିଯିବେ ବୋଲି କହିଥିଲେ ପ୍ରଦୀପ । ଭାବି ଜ୍ୱାଇଁ ଆକାଶ ପାଠକ ଟାଟା ମୋଟର୍ସରେ କାର୍ଯ୍ୟରତ, ମାସିକ ୧ କୋଟି ଟଙ୍କାର ବେତନା ପାଉଥିବା ପ୍ରଦୀପ ଚିଲାଇ ଚିଲାଇ କହିଥିଲେ । ଗଣମାଧ୍ୟମକୁ ଚ୍ୟାଲେଞ୍ଜ ଦେଇ କହିଥିଲେ ଦମ୍ ଅଛି ତ ପ୍ରମାଣ କର ।
ଏଥିସହ ପଢ଼ନ୍ତୁ- ଚାକିରି ଲୋଭ ଦେଇ ଲୁଟୁଥିଲେ ଆକାଶ ପାଠକ
ଆକାଶ ପାଠକ ପ୍ରକୃତରେ ଟାଟା ମୋଟର୍ସରେ କାମ କରନ୍ତି କି ? ଯଦି କରନ୍ତି ତେବେ ତାଙ୍କ ପଦବୀ କଣ ? ମାସିକ କେତେଟଙ୍କା ଦରମା ପାଆନ୍ତି ? ଏମିତି କିଛି ପ୍ରଶ୍ନ ନନ୍ଦିଘୋଷ ଟିଭି ଟାଟା ମୋଟର୍ସକୁ ପଚାରିଥିଲା ।
ଟାଟା ମୋଟର୍ସକୁ ନନ୍ଦିଘୋଷ ଟିଭିର ପ୍ରଶ୍ନ
୧) ଅଭୟକାନ୍ତ ପାଠକଙ୍କ ପୁଅ ଆକାଶ ପାଠକ ଟାଟା ମୋଟର୍ସରେ ଭାରପ୍ରାପ୍ତ ଏମଡି ଭାବରେ କାର୍ଯ୍ୟ କରୁଥିଲେ କି ?
୨) ଟାଟା ମୋଟର୍ସର କୌଣସି ବି ପଦବୀରେ ରହି କାର୍ଯ୍ୟ କରୁଥିଲେ କି ଆକାଶ ପାଠକ ?
୩) ଆକାଶ ପାଠକ ଟାଟା ମୋଟର୍ସର ପାସେଞ୍ଜର ଡିଭିଜନରେ ଏମଡି ଭାବେ କାର୍ଯ୍ୟ କରୁଥିବା ନେଇ ମିଛ ପ୍ରଚାର ଉପରେ ଟାଟା ମୋଟର୍ସ ପୋଲିସରେ ଏତଲା ଦେଇଛି କି ?
୪) ଟାଟା ମୋଟର୍ସରେ ଏମଡି ପାସେଞ୍ଜର ଡିଭିଜନର ଭଳି ପଦବୀ ରହିଛି କି ? ଯଦି ଅଛି ଏବେ କିଏ ଅଛନ୍ତି ତାର ଏମଡି ?
୫) ଟାଟା ମୋଟର୍ସର ଏମଡି କିମ୍ବା ସିଏମଡି କିଏ ?
୬) ଟାଟା ମୋଟର୍ସର ପାସେଞ୍ଜର ଡିଭିଜନରେ କାର୍ଯ୍ୟ କରୁଥିବା ବେଳେ ଅଭୟକାନ୍ତ ପାଠକଙ୍କ ପୁଅ ଆକାଶ ପାଠକ ମାସକୁ ୧ କୋଟି ଟଙ୍କା ପାଉଥିଲେ କି ?
୭) ଟାଟା ମୋଟର୍ସ ପାସେଞ୍ଜର ଡିଭିଜନର ଏମଡି ଭାବେ ଆକାଶ ପାଠକଙ୍କ ଚାକିରି ସମୟରେ ସେ ଭ୍ରମଣ ପାଇଁ ମାଗଣା ଟାର୍ଟର ଫ୍ଲାଇଟ୍ ସେବା ପାଉଥିଲେ କି ?
ନନ୍ଦିଘୋଷ ଟିଭିକୁ ଟାଟା ମୋଟର୍ସର ଉତ୍ତର
ଶ୍ରୀଯୁକ୍ତ ଆକାଶ ପାଠକ ଟାଟା ମୋଟର୍ସ ଲିମିଟେଡରେ କୌଣସି କର୍ମଚାରୀ ନଥିଲେ । ଏହା ଆମ ନଜରକୁ ଆସିଛି ଯେ, ସେ ନିଜକୁ ଟାଟା ମୋଟର୍ସ ଲିମିଡେଟ୍ ପାସେଞ୍ଜର ଡିଭିଜନର ଏମଡି ବୋଲି ଦର୍ଶାଇ ବହୁ ଲୋକଙ୍କ ଠାରୁ ଟଙ୍କା ଆଦାୟ କରୁଥିଲେ । କମ୍ପାନୀ ପକ୍ଷରୁ ତାଙ୍କ ନାଁରେ ସେପ୍ଟେମ୍ବର ୨୩ ତାରିଖରେ କଟକ କ୍ରାଇମବ୍ରାଞ୍ଚରେ ମାମଲା ଦାଖଲ କରାଯାଇଛି ।
ଆକାଶଙ୍କ ବିରୋଧରେ ହୋଇଥିବା ଅଭିଯୋଗ ସତ ପ୍ରମାଣିତ ହୋଇଥିବା ବେଳେ ଭାବି ଜ୍ୱାଇଁଙ୍କ ପାଇଁ ଓକିଲାତି କରୁଥିବା ପ୍ରଦୀପ ପାଣିଗ୍ରାହୀ ଓଡ଼ିଶା କେବେ ଛାଡ଼ିବେ ?
