IPLରେ ନୂଆ ଟାଇଟଲ ସ୍ପନସର, ହଟିଲା ’VIVO’ ଆସିଲା ’TATA’
1 min read
ନୂଆଦିଲ୍ଲୀ: ଆଇପିଏଲ ସିଜିନ୍-୧୫କୁ ନେଇ ପ୍ରସ୍ତୁତି ଆରମ୍ଭ କରିସାରିଛି ବିସିସିଆଇ । ବିଶ୍ୱର ସବୁଠାରୁ ଦାମୀ କ୍ରିକେଟ ଲିଗ୍ ଇଣ୍ଡିଆନ ପ୍ରିମିୟର ଲିଗକୁ ନୂଆ ସ୍ପନସର ମିଳିଛି । ୨୦୨୨ରେ ହେବାକୁ ଥିବା ଆଇପିଏଲରେ TATA ଗ୍ରୁପକୁ ନୂଆ ସ୍ପନସରର ଦାୟିତ୍ୱ ମିଳିଛି । ଅର୍ଥାତ ଏହି ଟୁର୍ଣ୍ଣାମେଣ୍ଟକୁ ଏବେ ’TATA IPL’ ଭାବରେ କୁହାଯିବ । ଏହା ପୂର୍ବରୁ ଆଇପିଏଲର ଟାଇଟଲ ସ୍ପନସର ଚାଇନା କମ୍ପାନୀ ଭିଭୋ ପାଖରେ ରହିଥିଲା ।
TATA to replace Vivo as title sponsor of IPL
Read @ANI Story | https://t.co/9J6KCHT9ZC#TATA #IPL2022 pic.twitter.com/TuP0QP029b
— ANI Digital (@ani_digital) January 11, 2022
ଆଇପିଏଲ ଚେୟାରମ୍ୟାନ ବ୍ରିଜେଶ ପଟେଲ ନ୍ୟୁଜ ଏଜେନ୍ସି ପିଟିଆଇକୁ ସୂଚନା ଦେଇଛନ୍ତି କି ୨୦୨୨ ମସିହାରୁ ’TATA’ ଆଇପିଏଲର ସ୍ପନସର ହେବ । ସୂଚନା ଅନୁସାରେ ମଙ୍ଗଳବାର ଆଇପିଏଲ ଗଭର୍ଣ୍ଣିଂ କାଉନସିଲିଂର ମିଟିଂ ହୋଇଥିଲା । ଯେଉଁ ବୈଠକରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଥିଲା । ସେଗୁଡିକ ହେଉଛି ଆଇପିଏଲର ଟାଇଟଲ ସ୍ପନସର ଟାଟାକୁ ଦିଆଯାଇଛି । ଏହା ବ୍ୟତୀତ ଅହମଦାବାଦ ଟିମ୍ ମାଲିକ ସିବିସି ଗ୍ରୁପକୁ ଲେଟର ଅଫ ଇଣ୍ଟେଣ୍ଟ ଦିଆଯାଇଛି ।
VIVO ୨୦୧୮ ମସିହାରେ ଆଇପିଏଲର ସ୍ପନସର ରାଇଟ୍ସ କିଣିଥିଲା । ଏହି ସ୍ପନସରସିପ୍ ପାଇଁ VIVO ପ୍ରତି ବର୍ଷ ବିସିସିଆଇକୁ ୪୪୦ କୋଟି ଦେବାକୁ ପଡ଼ିଥାଏ । VIVOର ଏହି କଣ୍ଟ୍ରାକ୍ଟ ୨୦୨୨ ପର୍ଯ୍ୟନ୍ତ ଥିଲା । ଗତ ବର୍ଷ ଯେତେବେଳେ ଭାରତ-ଚୀନ ମଧ୍ୟରେ ବିବାଦ କାରଣରୁ VIVOକୁ ଗୋଟିଏ ବର୍ଷ ପାଇଁ ବ୍ୟାନ କରାଯାଇଥିଲା ।
