ପ୍ରେମିକକୁ ୯୭ ଲକ୍ଷ ଦେଇ ପ୍ରେମିକା ଗିରଫ

ଭୁବନେଶ୍ୱର: ପ୍ରେମିକକୁ ୯୭ ଲକ୍ଷ ଦେଇ ପ୍ରେମିକା ଗିରଫ । ଲେଡି ଆକାଉଟାଣ୍ଟଙ୍କୁ ବାନ୍ଧିଲା ପୋଲିସ । ତମାଣ୍ଡୋ ସ୍ଥିତ ଏକ ଘରୋଇ କଲେଜର ଲେଡି ଆକାଉଟାଣ୍ଟକୁ ଗିରଫ କରିଛି କମିଶନରେଟ୍ ପୋଲିସ । ବର୍ଷକ ଭିତରେ ପାଖାପାଖି ୯୭ ଲକ୍ଷ ଟଙ୍କା ଫୋନ୍ ପେ’ଜରିଆରେ ପଠାଇଥିଲେ ଲେଡି ଆକାଉଟାଣ୍ଟ । ଟଙ୍କା ଗାଏବ ନେଇ ତମାଣ୍ଡୋ ଥାନାରେ ଅଭିଯୋଗ କରିଥିଲେ କଲେଜ କର୍ତ୍ତୃପକ୍ଷ ।

ତମାଣ୍ଡୋ ଥାନା ଅଧୀନ ଏକ ଘରୋଇ କଲେଜରେ ଆକାଉଣ୍ଟାଣ୍ଟ ଭାବରେ କାମ କରନ୍ତି ଯୁବତୀ । କଲେଜର ଟ୍ୟୁସନ୍ ଓ ଆଡିମିଶନ ଫିକୁ କଲେଜ ଆକାଉଣ୍ଟରେ ଡିପୋଜିଟ ନ କରି ସିଧାସଳଖ ନିଜ ଆକାଉଣ୍ଟରେ ଡିପୋଜିଟ୍ କରିଥିଲେ । ତା ପରେ ଫୋନ୍ ପେ ଦ୍ୱାରା ନିଜ ପୁରୁଷ ବନ୍ଧୁଙ୍କ ଆକାଉଣ୍ଟରେ ଗୋଟିଏ ବର୍ଷରେ ୯୭ ଲକ୍ଷ ଟଙ୍କା ଡିପୋଜିଟ୍ କରିଥିଲେ । ପୁରୁଷ ବନ୍ଧୁ ଜଣଙ୍କ ସମ୍ପୃକ୍ତ କଲେଜର ପୁରାତନ ଛାତ୍ର ।

ଟଙ୍କା ହେରେଫେର ନେଇ ଯାଞ୍ଚ ବେଳେ ଲେଡି ଆକାଉଟାଣ୍ଟଙ୍କ ଭୂମିକା ସନ୍ଦେହ ଘେରକୁ ଆସିଥିଲା । ତଦନ୍ତ ପରେ  ଲେଡି ଆକାଉଣ୍ଟାଣ୍ଟକୁ ହାତରେ ହାତକଡ଼ି ପକାଇଛି ତମାଣ୍ଡୋ ଥାନା ପୋଲିସ । ଖୁବଶୀଘ୍ର ପ୍ରେମିକକୁ ଗିରଫ କରାଯିବ ବୋଲି କହିଛନ୍ତି ଅତିରିକ୍ତ ଡିସିପି ।