କାବୁଲ ଫେରିଲା ଅବଦୁଲ୍ ଘନି ବରାଦର, ବଢିପାରେ ଟେନସନ୍

ନୂଆଦିଲ୍ଲୀ: ଆଫଗାନିସ୍ତାନର ପ୍ରଧାନମନ୍ତ୍ରୀ ତଥା ତାଲିବାନର ବରିଷ୍ଠ ନେତା ଅବଦୁଲ ଘନି ବରାଦର କାବୁଲ ଫେରିଛନ୍ତି । ସାଙ୍ଗରେ ଆଣିଛନ୍ତି ନିଜ ବଡିଗାର୍ଡ । ଏଥିସହିତ ସେ ସିରାଜୁଦ୍ଦିନ ହକାନୀଙ୍କ ନେତୃତ୍ୱରେ ଥିବା ଆଭ୍ୟନ୍ତରୀଣ ମନ୍ତ୍ରଣାଳୟର ସୁରକ୍ଷାକୁ ପ୍ରତ୍ୟାଖାନ କରିଦେଇଛନ୍ତି ।

ସୂଚନା ଅନୁଯାୟୀ, ଗତ ସେପ୍ଟେମ୍ବରରେ ହକାନୀ ନେଟୱର୍କ ତାଙ୍କ ଉପରକୁ ଆକ୍ରମଣ କରିଥିଲା। ହକାନୀ ଓ ବରାଦର ଗ୍ରୁପ ମଧ୍ୟରେ ଝଗଡା ପରେ ବରାଦର ଆହତ ହୋଇଥିଲା । ଏପରିକି ସେ ମୃତ୍ୟୁବରଣ କରିଥିବା ନେଇ ଚର୍ଚ୍ଚା ମଧ୍ୟ ହୋଇଥିଲା । ଯାହା ପରେ ତାଲିବାନ ପକ୍ଷରୁ ଏକ ଅଡ଼ିଓ ରିଲିଜ କରାଯିବା ସହ ବରାଦର ଜୀବିତ ଓ ସୁସ୍ଥ ଥିବା କୁହାଯାଇଥିଲା ।

ଏବେ ହକାନୀଙ୍କ ସୁରକ୍ଷାକୁ ପ୍ରତ୍ୟାଖାନ କରିବା ପରେ ଉଭୟଙ୍କ ଝଗଡା ଏହାର କାରଣ ବୋଲି କୁହାଯାଉଛି ।  ତେବେ ରିପୋର୍ଟ ଅନୁଯାୟୀ, ତାଲିବାନ ସମସ୍ତଙ୍କ ଆଗରେ ଏକତା ପ୍ରଦର୍ଶନ କରୁଥିଲା ବେଳେ ନେତୃତ୍ୱକୁ ନେଇ ସେମାନଙ୍କ ମଧ୍ୟରେ ବିବାଦ ରହିଛି । ତେବେ ହକାନୀ ନେଟୱର୍କ ପକ୍ଷରୁ କୁହାଯାଇଛି ଯେ ବରାଦରଙ୍କୁ ଗୃହ ମନ୍ତ୍ରଣାଳୟର ସୁରକ୍ଷା ନେବା ଉଚିତ୍ । କିନ୍ତୁ ଡେପୁଟି ମୁଖ୍ୟମନ୍ତ୍ରୀ ମନା କରିଦେଇଛନ୍ତି । ସେପଟେ ବରାଦର କାବୁଲ ଫେରିବା ପରେ ପୁଣି ଟେନସନ୍ ବଢିପାରେ । ବିଶେଷଜ୍ଞଙ୍କ ଅନୁଯାୟୀ, ISI ସମର୍ଥିତ ହକାନୀ ନେଟୱର୍କ ଓ ତାଲିବାନ ମଧ୍ୟରେ ଆଗାମୀ ଦିନରେ ବିବାଦ ବଢିବାର ଆଶଙ୍କା ରହିଛି ।