ଆଫଗାନ-ତାଲିବାନ ସଂଘର୍ଷ: ତୁରନ୍ତ ହିଂସା ରୋକିବାକୁ ତାଲିବାନକୁ କହିଲା ମିଳିତ ଜାତିସଂଘ
ଆଫଗାନିସ୍ତାରେ ବଢ଼ୁଥିବା ତାଲିବାନୀ ବର୍ବରତା ନେଇ ପ୍ରତିକ୍ରିୟାଶୀଳ ହୋଇଛି ମିଳିତ ଜାତିସଂଘ । ସେକ୍ରେଟାରୀ ଜେନେରାଲ ଆଣ୍ଟୋନିଓ ଗୁଟେରେସ୍ ତୁରନ୍ତ ରକ୍ତପାତ ବନ୍ଦ କରବା ସହ ଆଲୋଚନା ଆରମ୍ଭ କରିବାକୁ ଆହ୍ୱାନ ଦେଇଛନ୍ତି । ସୌନ୍ୟ ବଳ ଦ୍ୱାରା କ୍ଷମତା ଅକ୍ତିଆର ଦୀର୍ଘ ବର୍ଷର ଗୃହଯୁଦ୍ଧର କାରଣ ପାଲଟିବ ବୋଲି ସେ କହିଛନ୍ତି ।
ଆଫଗାନିସ୍ତାନରେ ସାଧାରଣଲୋକଙ୍କୁ ମାଡ଼ ମାରିବା ଓ ହତ୍ୟା ଘଟଣାର ଦୃଢ଼ ନିନ୍ଦା କରିବା ସହ ଏହା ଅନ୍ତର୍ଜାତୀୟ ମାନବାଧିକାର ଆଇନର ଉଲ୍ଲଂଘନ ବୋଲି ସେ କହିଛନ୍ତି । ବର୍ତ୍ତମାନ ତାଲିବାନୀଙ୍କ ଅକ୍ତିଆରରେ ଥିବା ଅଞ୍ଚଳ ଗୁଡ଼ିକରେ ବ୍ୟାପକ ମାନବାଧିକାର ଉଲ୍ଳଂଘନ ହେଉଛି । ସେଠାରେ ବିଶେଷକରି ସାମ୍ୱାଦିକ ଓ ମହିଳା ଓ ଯୁବତୀଙ୍କୁ ଟାର୍ଗେଟ କରାଯାଉଛି । ଯାହା ତାଙ୍କୁ ଖୁବ୍ ବ୍ୟାତିଥ କରିଥିବା କହିଛନ୍ତି ଗୁଟେରେସ୍ ।
କେବଳ ୧ମାସ ମଧ୍ୟରେ ୧ହଜାର ଲୋକଙ୍କୁ ଆଫଗାନିସ୍ତାନରେ ହତ୍ୟା କରାଯାଇଥିବା । ତାଲିବାନୀଙ୍କ କବ୍ଜାରେ ଥିବା ହେଲମାନ୍ଦ, କାନ୍ଧାର ଓ ହେରାତ୍ ପ୍ରଦେଶରେ ଏହି ଘଟଣା ଘଟିଛି । ଅପରପକ୍ଷରେ ତାଲିବାନୀ ଓ ଆଫଗାନିସ୍ତାନଙ୍କ ଏହି ସଂଘର୍ଷ ମଧ୍ୟରେ ପ୍ରାୟ ୨ଲକ୍ଷ ୪୧ହଜାର ଲୋକଙ୍କୁ ଅନ୍ୟତ୍ର ପଳାୟନ କରିବାକୁ ପଡ଼ିଛି ।
ହସ୍ପିଟାଲରେ ଆହତଙ୍କ ସଂଖ୍ୟା ବଢ଼ିବାରେ ଲାଗିଥିବା ବେଳେ ଖାଦ୍ୟ ଓ ଔଷଧ ସାମଗ୍ରୀର ଅଭାବ ଦେଖିବାକୁ ମିଳିଲାଣି । ପ୍ରତିଦିନ ସଂଘର୍ଷ ପୂର୍ବାପେକ୍ଷା ଅଧିକ ହେବାରେ ଲାଗିଛି । ତେବେ ଉଭୟ ପକ୍ଷଙ୍କୁ ସାଧାରଣ ନାଗରିକଙ୍କ ସୁରକ୍ଷା ନେଇ ଅଧିକ ଯତ୍ନବାନ ହେବାକୁ ଗୁଟେରେସ୍ କହିଛନ୍ତି ।
ଏଥିସହିତ ପଢ଼ନ୍ତୁ: ଭାଙ୍ଗୁଛି ଆଫଗାନିସ୍ତାନ: ଆମେରିକା ବି ଡରିଲାଣି ତାଲିବାନଙ୍କୁ, ପଠାଇଲା ୪ହଜାର ସୈନିକ
