୪କଂଗ୍ରେସ ସାଂସଦଙ୍କ ଉପରୁ ନିଲମ୍ୱନ ଆଦେଶ ପ୍ରତ୍ୟାହାର କଲେ ବାଚସ୍ପତି

ନୂଆଦିଲ୍ଲୀ: ଲୋକସଭା ସାଂସଦଙ୍କ ନିଲମ୍ୱନ ଆଦେଶକୁ ପ୍ରତ୍ୟାହାର କଲେ ବାଚସ୍ପତି ଓମ୍ ବିର୍ଲା । ୪ କଂଗ୍ରେସ ସାଂସଦଙ୍କ ନାଁରେ ଜାରି ଆଦେଶ ପ୍ରତ୍ୟାହାର । ଦୀର୍ଘ ୫୦ ଘଣ୍ଟା ଧରି ସଂସଦ ବାହାରେ ଆନ୍ଦୋଳନ କରିଆସୁଥିଲେ ବିରୋଧୀ । ଶେଷ ଚାପ ଆଗରେ ମୁଣ୍ଡ ନୁଆଁଇଛନ୍ତି ବାଚସ୍ପତି ଏବଂ ନିର୍ଦ୍ଦେଶ ପ୍ରତ୍ୟାହାର କରିଛନ୍ତି । ଲୋକସଭାରେ ନାରାବାଜୀ ଓ ହଟ୍ଟଗୋଳ ଯୋଗୁ ବାଚସ୍ପତି କଂଗ୍ରେସର ୪ ଜଣ ସାଂସଦଙ୍କୁ ନିଲମ୍ବିତ କରିଥିଲେ। ଆଜି ଆଦେଶ ପ୍ରତ୍ୟାହାର କରିଥିଲେ ମଧ୍ୟ ବାଚସ୍ପତି ବିର୍ଲା ବିରୋଧୀ ସାଂସଦମାନଙ୍କୁ କଡ଼ା ଚେତାବନୀ ଦେଇଛନ୍ତି। ଯଦି କେହି ଗୃହରେ ପ୍ଲାକାର୍ଡ ଦେଖାଇବେ ତା’ହେଲେ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।